656/2025-2026

Aizawl the 30th May 2025: Vawiin khan Chief Minister Conference Hall-ah Chief Minister Pu Lalduhoma, Chapchar Kut Organising Chairman ni bawk chuan Chapchar Kut 2025 Post Souvenir "NGHILHLOH BU" a tlangzarh.

Chief Minister hian Souvenir buatsaihtu Editorial Board te chungah lawmthu sawiin kum dang aia hmaah, kum danga kan souvenir lo tihchhuah tawh thin te aia tha zawk bawk si in rawn peih thei hi a lawmawm a, lehkhabu chhiar manhla tak, dah that reng tlak a ni, a ti.

Lehkhabu tlangzarh inkhawm hi Pu C. Lalnunkima, Director, I&PR chuan a kaihruai a, Dr. H. Laldinmawia, Editorial Board member chuan Souvenir chanchin tlangpui a sawi a. Kumin souvenir hi kum dang aiin a lian a, a ziak a hraw a, chhiar a nuam a, a layout a danglam bik a, ISBN nei a ni. Thuziak karah a milpui thlalak dah a ni bawk. Kum danga la awm ngai lo Chapchar Kut nia Kut Pa thusawi chu ziaka dah a ni bawk.

Lehkhabu tlangzarh inkhawmah hian Chapchar Kut Organising Committee member te leh Editorial Board te an tel a ni.