Chief Minister Pu Lal Thanhawla chuan Chhipphir Primary Health Centre (PHC) kum 50 tlin lawmna vawiin khan hmanpuiin, PHC building thar National Rural Health Mission hnuaia sak cheng nuai 67 chuang senna a hawng nghal.
Chief Minister chuan Chhipphir leh a chhehvel khua mipuite chu PHC hi chhawr tam ngai lo turin an hriselna vawng uluk turin a chah a. Ei leh inah te insumin zuk leh hmuamah fihlim tum turin a chah a ni. Chief Minister chuan an khaw mamawh an sawite chu chhangin diltu nih leh dil tur hriat hi bengvarna a ni lova, kutdawh rilru min put tirtu a ni a ti a. Khaw mamawhte chu sorkar in a hre vek a, sum leh hunin a daih lo mai zawk a ni a ti. Chief Minister chuan sorkar-in kalphung a nei a, a au ring ring leh dil nazawngte hnenah an dilte a pe ngai lo a ni a ti.
Intodelhna lam a sawiah Pu Hawla chuan kum khatah thla 3 ei pawh thar chhuak lo kan ni a, Bairabi leh Vairengteah vai buhfai phur a lo luh loh chuan mahni inenfiah hmasa lovin puhmawh tur kan zawng nghal thin a. Ringtute kan nih angin intodelh tur kan ni a, taima taka thawka midangte ai pawha hrisel zawk tur kan ni a ti. Chuvangin ringlotute entawn tlaka awm turin kan harhthar a hun hle a ni a ti. Chief Minister chuan khawvela cancer tam berna ram kan ni hi a zahthlak a, hei hi kan ei leh in ah kan insum loh vang leh zuk leh hmuama kan fihlim loh vang a ni a ti a. Kan taksa hian Pathian kan chawimawi tawk lo a ni a ti.
NLUP kalpui mek chu sawiin Chief Minister chuan fimkhur taka kalpui kan duh avangin kan sem tlai phah a, hei hi Kohhran hruaitute pawhin tha min tih pui a, Line department-a officer te pawh train hmasak vek tawh an ni a, an phur hle a ni a ti. NLUP hi a dawng lo turte nghahhlelh zia leh an phur zia atang hian a that tawk zia a ti chiang hle a ni a ti.
Thalaite khawvel thar siam turin sorkar chuan Youth Commission a lem ni lo, a tak tak mithiam kaihhruaina hnuaiah din thar anih thu sawiin, tunah hian zirna sang zawk NIT hmun tur Thenzawlah tih fel anih tawh thu a sawi a. Rajiv Gandhi Institute of Management, Shillong bultumin Aizawlah Technical Institute din anih tur thu a sawi bawk.
Eiruk chungchangah Chief Minister chuan kuttling lova sum hmuhna hi sorkar ah chauh ni lo Kohhran ah te, sumdawnna ah te leh inhlawhfakna ah te pawh awm thei a ni a, chuvangin kan hnathawh theuhah neitu rilru pu chunga tui taka thawh hi mitin bat a ni a ti a. Pathianin min dahna apiang hi - Sorkar hnathawh, Kohhran ah te leh a dang tam takah a rawngbawlna kan thawk a ni tih kan hriat thar a tul a ni a ti. Ringtu kan nihna hi rim taka kan hman chuan hmasawnna a awm ang a, in chimral a hlauhawm lo a ni a ti.
Kum 50 tlin lawmna denchhen hian Aizawl atanga Doctor thiam bik 7 te kalin Free Clinic neih a ni a, tlawmngai ten a thlawnin mamawhte hman tur thisen an pek bawk. Building thar hawn tak hi ni 17.9.2008 a sak tan a ni a, ni 29.4.2011 khan zawh a ni. A hmun awh zauh zawng hi 411 Sq.Mt a ni a, dam lo awmna tur khum 10 awm theihna tur a ni a. E-Ray Room, Laboratory, Operation Theatre leh Labour room te awm a ni. Tunah hian thawktu 17 an awm a, Chhipphir khua mipuite bakah Bualpui North leh Zote khaw mipuite tana chhawr tur a ni.
lawmna inkhawm hi Health Service Director Dr. C. Lalthanmawia'n a kaihruai a.Chief Minister hi a nupui Lal Riliani bakah Health Minister Lalrinliana Sailo, LAD Minister Pu P.C. Lalthanliana, Parliamentary secretary Pu S. Laldingliana, HPC, Lunglei Vice Chairman Pu Joseph Lalhimpuia leh Pu John Siamkunga, MLA ten an tawiawm a ni.
Intodelhna lam a sawiah Pu Hawla chuan kum khatah thla 3 ei pawh thar chhuak lo kan ni a, Bairabi leh Vairengteah vai buhfai phur a lo luh loh chuan mahni inenfiah hmasa lovin puhmawh tur kan zawng nghal thin a. Ringtute kan nih angin intodelh tur kan ni a, taima taka thawka midangte ai pawha hrisel zawk tur kan ni a ti. Chuvangin ringlotute entawn tlaka awm turin kan harhthar a hun hle a ni a ti. Chief Minister chuan khawvela cancer tam berna ram kan ni hi a zahthlak a, hei hi kan ei leh in ah kan insum loh vang leh zuk leh hmuama kan fihlim loh vang a ni a ti a. Kan taksa hian Pathian kan chawimawi tawk lo a ni a ti.
NLUP kalpui mek chu sawiin Chief Minister chuan fimkhur taka kalpui kan duh avangin kan sem tlai phah a, hei hi Kohhran hruaitute pawhin tha min tih pui a, Line department-a officer te pawh train hmasak vek tawh an ni a, an phur hle a ni a ti. NLUP hi a dawng lo turte nghahhlelh zia leh an phur zia atang hian a that tawk zia a ti chiang hle a ni a ti.
Thalaite khawvel thar siam turin sorkar chuan Youth Commission a lem ni lo, a tak tak mithiam kaihhruaina hnuaiah din thar anih thu sawiin, tunah hian zirna sang zawk NIT hmun tur Thenzawlah tih fel anih tawh thu a sawi a. Rajiv Gandhi Institute of Management, Shillong bultumin Aizawlah Technical Institute din anih tur thu a sawi bawk.
Eiruk chungchangah Chief Minister chuan kuttling lova sum hmuhna hi sorkar ah chauh ni lo Kohhran ah te, sumdawnna ah te leh inhlawhfakna ah te pawh awm thei a ni a, chuvangin kan hnathawh theuhah neitu rilru pu chunga tui taka thawh hi mitin bat a ni a ti a. Pathianin min dahna apiang hi - Sorkar hnathawh, Kohhran ah te leh a dang tam takah a rawngbawlna kan thawk a ni tih kan hriat thar a tul a ni a ti. Ringtu kan nihna hi rim taka kan hman chuan hmasawnna a awm ang a, in chimral a hlauhawm lo a ni a ti.
Kum 50 tlin lawmna denchhen hian Aizawl atanga Doctor thiam bik 7 te kalin Free Clinic neih a ni a, tlawmngai ten a thlawnin mamawhte hman tur thisen an pek bawk. Building thar hawn tak hi ni 17.9.2008 a sak tan a ni a, ni 29.4.2011 khan zawh a ni. A hmun awh zauh zawng hi 411 Sq.Mt a ni a, dam lo awmna tur khum 10 awm theihna tur a ni a. E-Ray Room, Laboratory, Operation Theatre leh Labour room te awm a ni. Tunah hian thawktu 17 an awm a, Chhipphir khua mipuite bakah Bualpui North leh Zote khaw mipuite tana chhawr tur a ni.
lawmna inkhawm hi Health Service Director Dr. C. Lalthanmawia'n a kaihruai a.Chief Minister hi a nupui Lal Riliani bakah Health Minister Lalrinliana Sailo, LAD Minister Pu P.C. Lalthanliana, Parliamentary secretary Pu S. Laldingliana, HPC, Lunglei Vice Chairman Pu Joseph Lalhimpuia leh Pu John Siamkunga, MLA ten an tawiawm a ni.
Attachment
- Loading attachment...
