255/2022-2023


23.4.2022: Chief Minister Pu Zoramthanga chu vawiina Clean Aizawl City pawl rorelna sang ber High Council, Synod Conference Centre-a buatsaihah khuallian niin hun a hmanpui. 

Chief Minister chuan Clean Aizawl City thil tum chu khawpui tana tangkai tak tur nia a hriat thu a sawi a. India sawrkar pawhin fai leh thianghlim kawngah hma a la nasa hle a. Mizoram pawh hmun kilkhawr te ber thlengin faina kawngah hma kan sawn tawh viau thu a sawi a Hmasawn belh zelna tur chu kan la nei tiin, chumi atana kawng pawimawh tak pakhat chu kan fa te, kan naupang te hnenah zirtirna kan pek a- an entawn tura kan nun a, zirna inah inzirtir tel bawk a ni, a ti a. Khawpui chhung tihfai kawngah ruahmanna remchang leh tha zawk siam belh zel ngai a la awm thu sawiin, tangrual taka thahnemngaihna nen thawhho a pawimawh thu a sawi.

Founder President Commissioner Lalkiamlova chuan Clean Aizawl City chu Aizawl khawpui mawi zawk, felfai zawk, thianghlim leh hrisel zawk siam duhna rilru atanga chhuak a nih thu sawiin, faina chungchanga inzirtirna tur tam tak a la awm thu a sawi.

High Council hi Pu K. Liantlinga Ex-MLA, Vice Chairman, Social Rehabilitation Board chuan kaihruaiin, Finance Secretary Pu C. Dinthanga kaihhruaiin pawl member te chuan Aizawl khawpui fai leh thianghlim taka vawng turin thu an tiam a. An member thi ta sunna hun hman a ni a. Chief Minister chuan Life Member leh Patron Member te hnenah certificate a hlan bawk.


Attachment

  • Loading attachment...