568/2025-2026

Aizawl 26th May 2025: Nimin khan Chief Minister Pu Lalduhoma chuan Pu Jyotiraditya Scindia, Union Minister, DoNER chu Delhi-a a chenna inah hmu in, inkawmna hun tha tak an nei.

Chief Minister hian Thenzawl khua chu DoNER hnuaia Global Model Site atana thlan anih avangin lawmthu a hrilh a. Thenzawl Golf Course thuam thaa international standard a siamna tur proposal kal mek chu sawipuiin Union Minister hian a lo bawhzui tur thu a lo hrilh.

Mizoram thlai tharchhuah a bikin sawhthing leh Mizo hmarchate te hralhna bakah Sports sector tihhmasawn kawngah Mizoram chu theihtawp a lo chhuahpui tur thu Union Minister hian a lo sawi bawk a. DoNER hnuaia Mizoram hmachhawp hrang hrang te pawh an thlir ho bawk.

Chief Minister hi Pu Lalnghinglova Hmar, Sports & Tourism Minister, Pu Richard Vanlalhmangaiha, MP leh Pi R. Lalrodingi, OSD to CM ten an tawiawm a ni.