Indian Society on Tobacco and Health (ISTH) Mizoram Chapter chuan vawiin khan Chanmari YMA Hall-ah General Body Meeting an nei a, Chief Minister Pu Lal Thanhawla chu Khuallian a ni.
Chief Minister chuan vaihlo zuk leh hmuam hian kan taksa a hrisel lohna thlentu, nunna hial la theitu anihzia hi la hrelo te hnena hrilhretu nih hi mitin mawh a ni a ti a. Mizote chu zuk leh hmuam uar hnam, mahni taksa tana a thalo tih hrereng chunga tilui duhmi, mahni taksa duat nachang hrelo leh setana hmanrua zu, druga leh vaihlo laka fihlim lo kan ni hi a pawi hle a ni a ti a. Ringtu za a za te hian kan kristianna hi rim taka hmang chu ni ila hnam hrisel leh hnam changkang kan ni thei a ni a ti. Amaherawhchu, kan hnathawhna theuhah kan kristianna kan tihlan thin loh avangin khawvela hnam hrisello ber, cancer tamna ber kan ni te hi a vanduaithlak hle a, insiam that leh a chhelai siam tha tu nih hi i tum theuh ang u tiin, mi hrisel ber nih tum theuh bawk turin kan tih turah leh kan tihloh turah i chiang ang u a ti a. He meeting hian Mizoram pum mipuite tan rah tha leh rah duhawm tak a thlen ngei theih nan Pu Lal Thanhawla chuan a duhsakna sang ber a hlan a ni.
Inkhawm hi Pi Lal Riliani, President, ISTH Mizoram Chapter in a kaihruai a. Vaihlo, tuibur leh a kaihhnawih dangte mihring tana a hlauhawmzia mite hrilhin leh zirtir pah bawka Mizoram dung leh vanga ke an lo pen tawhna te uar takin a sawi a. Pu Thanseia, Secretary, ISTH(M) in report pe in an pawl hi Pi Lal Riliani,Founder President in september ni 11, 1989 ah member 12 lek neia din anih thu a sawi a. Hma an lak tawhna tam tak a tarlang bawkin, tunah hian vaihlo dotu pawl lian tak, khawvel ram hrang hranga hma la mektu Bloomberg Global Initiative, 'The Union' tia hriat lar tak nen hian Mizoram ngeiah thawk dun turin bul an mek a. Mizorama an Project tur hi kum 2 chhung tur niin, cheng vaibelchhe 1 leh nuai 40 vel senso tur ruahman bawk a ni.
ISTH (M) sum dinhmun chungchangah sum hmuh zawng zawng chu Rs.5,38,637 /- a ni a, hmanral zawng zawng chu Rs.3,27,692 /- a ni. Banka an sum neih la awm chu Rs.2,10,945 /- a ni
Inkhawm hi Pi Lal Riliani, President, ISTH Mizoram Chapter in a kaihruai a. Vaihlo, tuibur leh a kaihhnawih dangte mihring tana a hlauhawmzia mite hrilhin leh zirtir pah bawka Mizoram dung leh vanga ke an lo pen tawhna te uar takin a sawi a. Pu Thanseia, Secretary, ISTH(M) in report pe in an pawl hi Pi Lal Riliani,Founder President in september ni 11, 1989 ah member 12 lek neia din anih thu a sawi a. Hma an lak tawhna tam tak a tarlang bawkin, tunah hian vaihlo dotu pawl lian tak, khawvel ram hrang hranga hma la mektu Bloomberg Global Initiative, 'The Union' tia hriat lar tak nen hian Mizoram ngeiah thawk dun turin bul an mek a. Mizorama an Project tur hi kum 2 chhung tur niin, cheng vaibelchhe 1 leh nuai 40 vel senso tur ruahman bawk a ni.
ISTH (M) sum dinhmun chungchangah sum hmuh zawng zawng chu Rs.5,38,637 /- a ni a, hmanral zawng zawng chu Rs.3,27,692 /- a ni. Banka an sum neih la awm chu Rs.2,10,945 /- a ni
Attachment
- Loading attachment...
