Indopui 2-na hunlaia Nagaland leh Burma inrina hmun, Jessami a 1st Assam Regiment sipai ten Japan rallian an lo danchahna hmun, Mizo sipai 50 chuang thihna hriatrengna ni ‘Jessami Day’ cum Ex-Servicemen Reunion, vawiina Vanapa Hall-a neihah Chief Minister Pu Lal Thanhawla chuan a hmanpui.
Chief Minister chuan India sipai hrang hranga Mizo sipai ten rinawm tak leh huaisen taka an tih tur an hlen thin avangin Mizote hming an ti tha thin chu chhuanawm a tihthu sawiin, an hnen atang hian thangthar ten chhawm tur leh hriat tur kan ngah hle a ni a ti a. Sipai te chu mahni inthunun thei leh an pension hnu pawha mi thothang tha, mi hmantlak an nih avangin Mizo mipui zahve hi sipai bang ni ta ila kan khawtlang nun hi a nuamin a thang hle ang tih a beisei thu a sawi a. Chuvangin kan thalaite hi sipaiah lut tam se a duhthu a sawi a ni.
Pu Lal Thanhawla chuan siapi bangte chu kan thalaite fuihtu ni tura chahin, sipaiah tam zawk an luh theih nan sorkar ang pawhin theihpatawp chhuan a ni ang a ti a. Hemi kawnga tul pawimawh tak, Sainik School pawh central sorkar remchan hmasak berah Chhingchhip-ah school din tur anih thu pawh a sawilang a ni.Sipai bangte enkawl chhohna kawngah pawh an phu ang tawk zelin sorkarin hma ala ang a ti.
Pu Lalrinmawia Ralte, Parliamentary Secretary pawhin thusawiin, sipaite chu mahni hna sawisel ngailo leh thuawih taka an tih tur ti mai thin an nihthu a sawi bawk. Sainik Board Director Col(Rtd) Zama, SM pawhin sipai bangte tana hmalakna hrang hrang an neih te a sawi bawk a. He hun rawn hmanga lokal Major Gen. R.N. Singh, SM, VSM pawhin thusawina hun a hmang bawk a ni.
Chief Minister hian lehkhabu ‘ Ral Hmaa Zam Ngailo’ tih, Hony Capt. Boilora chanchin ziahna H.Kaphlira ziah a tlangzarh a. Indonaa thi te nupui, hmeithaite, Veterans leh mamawh zual bik sipai bangte hnenah thilpek a hlan bawk a ni.
Pu Lal Thanhawla chuan siapi bangte chu kan thalaite fuihtu ni tura chahin, sipaiah tam zawk an luh theih nan sorkar ang pawhin theihpatawp chhuan a ni ang a ti a. Hemi kawnga tul pawimawh tak, Sainik School pawh central sorkar remchan hmasak berah Chhingchhip-ah school din tur anih thu pawh a sawilang a ni.Sipai bangte enkawl chhohna kawngah pawh an phu ang tawk zelin sorkarin hma ala ang a ti.
Pu Lalrinmawia Ralte, Parliamentary Secretary pawhin thusawiin, sipaite chu mahni hna sawisel ngailo leh thuawih taka an tih tur ti mai thin an nihthu a sawi bawk. Sainik Board Director Col(Rtd) Zama, SM pawhin sipai bangte tana hmalakna hrang hrang an neih te a sawi bawk a. He hun rawn hmanga lokal Major Gen. R.N. Singh, SM, VSM pawhin thusawina hun a hmang bawk a ni.
Chief Minister hian lehkhabu ‘ Ral Hmaa Zam Ngailo’ tih, Hony Capt. Boilora chanchin ziahna H.Kaphlira ziah a tlangzarh a. Indonaa thi te nupui, hmeithaite, Veterans leh mamawh zual bik sipai bangte hnenah thilpek a hlan bawk a ni.
