204/2023-2024
25.04.2023: Tuichang lui chunga Mizoram PWD in Double Lane BUSG Girder Bridge an siam (Ch: 6:000 Kmp on Keitum -Arțahkawn Road) chu vawiin khan Chief Minister Pu Zoramthanga chuan khuallian niin a hawng. Home Minister Pu Lalchamliana chu khualzahawm a ni a. He lei hi Central Roads Fund (CRF) leh Scheme Special Assistance to States for Capital Investment (SASCI) atanga sum hmuh hmanga sak a ni.
Chief Minister Pu Zoramthanga chuan thu sawiin, vawiina Tuichang lei hawn tak chu Tuichang ral chhak leh thlang mite inkalpawhna pawimawh tak a nih thu sawiin, vawiinah hawn a ni ta chu lawmawm a tih thu a sawi a. Lei dawh awm hmasa chu 10 metric tonne chauh dawl a nih avangin lirthei lian leh rit zawk an kal theihna tur lei lian zawk mamawh a nih thu a sawi a. Lei thar dawh naah harsatna eng eng emaw tawkin, lei design chu thlak a ngaih avanga Central Roads Fund atanga sum hmuh in Wingwall atan Provision siam a lo nih loh avangin Sawrkar ah a complete na tur sum SASCI atangin Rs 259.45 lakhs dah belh a nih thu a sawi.
Chief Minister chuan Mizoramah hman tangkai theih ram zau tha tak kan neih thu te, lui theh sung, sik leh sa a nuam tak, ruah tui tha bawk si te hi kan vannei tak zet a ni a ti a. Hmana pi leh pute an rawn thlangtlak a helai hmunah awm hmun nghet an rawn khuar dan te, Kristianna rawn luh dan te, ram buai kan tawh chhoh lai leh tun kan dinhmun hi chhan nei vek a thil thleng nia a ngaih thu sawiin, hnam a kan chian a, ram hmangaihna thinlung nen hma kan sawn a, midang tan malsawmna kan nih theihna tura Siamtu ruahman a nih ngei a rin thu a sawi a. Chuvang chuan mitin kan zawn theuhvah dikna nen, thil tha zawk thlang zelin kan tih theih chin thawk zel turin khuallian chuan kalkhawmte a sawm a ni.
Home Minister Pu Lalchamliana pawhin he lei siam kawngah harsatna neuh neuh tawh a ni chungin vawiin ni thlen a ni thei chu lawmawm a ti a. Tuichangral chhak leh thlang mipui zawng zawng he lei hmangtute tan a lawmawm tak zet a ni tiin, a sak hna thawktu Public Works Department leh contractor te chungah pawh lawmthu sawi a. Thawhhona tha tak an neih avangin hripui leng leh harsatna dang tawk chunga lei changtlung tak puitlin a nih thu a sawi a. Home Minister chuan Hrangturzo bial chhunga inkalpawhna kawng tha zawk siam ngai mamawh la awm te sawilangin a theih ang zela sawrkarin hma a lak tur thu a sawi bawk.
Lei hawnna inkhawm hi Pu Lalhmasaa, PWD Joint Secretary chuan a kaihruai a. PWD Engineer-in-Chief Er. C.Lalchhuana leh Contractor aiawh te'n technical report an pe a. Chief Engineer, Roads, PWD Er. Vanlalchhuana chuan lawmthu sawiin hun a khar a ni. Serchhip DC Pi Nazuk Kumar leh district office hotu dangte, PWD hotute leh thawktute he programme ah hian an tel bawk a ni.
TECHNICAL REPORT:
Name of Bridge : Double Lane Built-Up Steel Girder Bridge over R.Tuichang on Keitum - Artahkawn Road
Sanctioned Amount : Rs.754.75 lakh (CRF)+ Rs.259.45 lakh (SASCI) = Rs. 1014.20 lakh
Agreement Amount : Rs.751.08 lakh (CRF) + Rs.157.04 lakh(Supplementary Agree.) + Rs.102.41 lakh (SASCI)
Total Cost : Rs.1010.53 lakh
Salient Features:
1. Type of Bridge : Built-up Steel Girder Bridge
2. A thui zawng : 68m
3. A zau zawng : 7.50m
4. Loading Class : 70R (100 tonne approx.)
5. Abutment : RCC
6. Decking : Concrete Decking
7. Level of Bridge : 999.540 m above mean sea level
8. HFL: 990.180 m above mean sea level
9. LFL : 982.515 m above mean sea level
10. Free Board : 5.00 m above HFL
11. Contractor: M/S Sadguru Engineers & Allied Services Pvt. Ltd., Guwahati
Tuichang Bridge hi ruahmanna hmasaah chuan Double Lane PSC Girder Bridge 68m span, 7.5m width, 70R loading class a dawh tur a ni a. A hna hi thawh mek a nih laiin imtermediate pier foundation atana well sinking thawh laiin harsatna lian tak tawh a ni a. Thawh zawm zel chuan lei awmsa, a bula mi foundation tana hlauhthawnawm thei a ni dawna hriat a nih avangin he foundation siam hna hi tihtawp lailawk a ni.
He harsatna avang hian a lei dawh dan tura ruahmanna awmsa chu thlak a lo ngai ta a, a laiah ban awm lova (single span) dawh tura ruahmanna thar mithiam zawk te rawn in siam that niin, he mi a ruahmanna thar chu Single Span BUG 68m a thui 70R class loading Double Lane ni tura ruahman a ni. Hetianga Specification thlak a nih avangin revised estimate pawh hi siam a lo ngai ta a ni.
Original Estimate ang chuan hna zawh hun tur hi ni 1.12.2018 a ni a, Lei dawh dan tur thlak a nih hnuah a zawh hun tur hi ni 1.12.2019 a sawn a ni a. Covid Hripui hrilengleh chhan dang dang avangin ni 31.3.2023 ah zawh a ni ta a ni.
Attachment
- Loading attachment...
