Vawiin zing dar 7:30 khan Chief Minister Pu Lal Thanhawla chuan Lunglei Civil Hospital a tlawh. Chief Minister hi a nupui leh Minister thahnem tak leh mi pawimawh ten an tawiawm a ni.

Chief Minister leh a thiannu hi Lunglei Doctor te leh thawktu zawng zawng ten parthi hlan in ropui takin Hospital kawtah an lo hmuak a ni. Chief Minister leh Health Minister te hian Lunglei Civil Hospital a chhawng hnuai ber atangin a chhawng chung ber thleng an fang vek a, damlo ward zawng zawng deuh thaw te tlawh in, Operation Theatre te, Ultra Sound, X-Ray khawl leh khawl chi hrang hrang an dahna te fangin an enchhuak vek a ni.

He Civil Hospital ah hian damlo te enkawl nan hmanrua in daih loh dan te, thawktu te in daih loh dan te, a building a nih tur ang nih loh dan te a hmunah Chief Minister hian a en a ni.

Hospital in tui hnianghnar an neih loh dan te, Electric eng an neih that loh dan te leh thil dang harsatna hrang hrang thawktuten Chief Minister hnen ah an thlen bawk a ni.

Hetianga Chief Minister meuh in Hospital a tlawh avang hian thawktu te leh Lunglei mipui, a bikin damlo te an thlamuang in beiseina sang tak an  nei a ni.