Vawiin  chawhnu   dar   2:00   khan Pu   Lal Thanhawla Chief Minister chuan Lunglei a thleng. Amah hmuahna Circuit. House ah neih ani  A lo thlen hnu hian  Circuit House Conference Hall- ah ATI buatsaih Good Governance Training kharna a nei. Thusawiin Chief Minister chuan sawrkar hnathawk te hian thiam tak a hna thawk thei turin training a ngai a, Sawrkar hnathawk te hian rinawmna, taimakna leh dikna nen in thawh a ngai a ni a ti. Sawrkar tha chu langtlang sawrkar ani tur a ni a ti bawk. Office Discipline leh Punctuality pawh vawn that a ngai a ni a ti.

Hemi hnu tlai dar 3:00 ah Agriculture Rest House-cum-Conference Hall sakna tur Lungphum a phum bawk. He building hi cheng nuai 71 senga sak tum a ni. Hemi hnu hian Puanthui Khawl leh Agarbati siamna khawl semna programme Saikuti Hall-ah  a hmanpui leh a ni. He khawl sem hi HPC sum atanga ruahman a ni. Thu sawiin Chief Minister chuan heng thil sem hi a dawngtu chauh ni lovin rinawmna taimakna leh thianghlimna nen dawng a hlawhtlin pui ngei a duh thu a sawi. State Flagship Programme NLUP chungchang sawiin a dawng tur te an inpeih a kan hriat hnuah September, 2010 hi chuan sem tan theih kan in beisei a ti. Power & Electricity chungchang sawiin Tuirial Hydel Project, Kolodyne Hydel Project leh Project hrang hrang sawrkar chuan ruahmanna neiin Power lamah intodelh tura hmalak mek a ni a ti. Puanthui khawl hi Chief Minister thiannu Pi Lalriliani'n a sem a Agarbati siamna khawl hi Minister leh MLA ten semna an nei bawk.

Chief Minister hi a thiannu bakah Pu J.H. Rothuama Revenue Minister , Pu Zodintluanga I&PR Minister te leh Pu S. Laldingliana Parliamentary Secretary, Pu Joseph Lalhimpuia, Vice Chairman Lunglei High Powered  Committee, Pu T.T. Zothansanga leh Pu K. Lianzuala MLA ten an tawiawm a ni.