Nimin tlai khan Chief Minister Pu Lal Thanhawla chuan a chenna Bangla-ah Mizoram Motorsports Association(MiMSA) hruaitute leh Mizo tlangval 2, Coimbatore a neih zawh tak a Champion Rider Lalhruaizela leh a mah dawttu Lalnunsanga   te chu an hlawhtlinna avanga lawmpui in an kal zelna tura hmalakpui dan tur te a sawipui.

MiMSA hruaitu te leh MiMSA riders hlawhtling te leh  Chief Minister Pu Lal Thanhawla inkawmnaah hian Mizo thalai ten talent an neithat zia, sawi hovin, sport dang ang bawk a he talent tha tak hi chhawmdawl a, tih hmasawn anih theih nan infrastructure thazawk mammawh a nih dan te sawiho a ni a.  Chief Minister harsatna tam tak paltlang a, inpekna thuk tak, tumruhna leh taihmakna nena  hlawhtlin tum tlat hmuh tur an awm chho zel chu lawmawm a tih thu a sawi a. Sawrkar pawh in hetiang a mi tumruh, tanlak nachang hria  theihtawp Mizo thalaite te chu a hlawhtlinna atanga hlawhtlin lehzualna an hmuh theih nan theih tawp a chhuah pui zel dawn a. Kawng tinreng ah hmasawnna tur hawi zawngin sawrkar in thalai te khawvel thar a siam mek a, a chhunzawm zel dawn tiin riders hlawhtling te chu hlawhtlinna lian zawk thawkchhuak tura duhsakna hlan in Zofate  ti hmingtha turin a chah.

RedBull Road To Rookies, Coimbatore, Tamil Nadu a neih zawh tak a champion Lalhruaizela chu Spain ramah RedBull Rookies Cup Qualifying tlan tur in October thla khian a kal dawn a;  a mah dawttu Lalnunsanga tan pawh, ram pawn lam a kalna tur kawng a inhawng tura rin a ni.