Chief Minister Pu Lal Thanhawla chuan vawiin tlai khan a ofiice conference room-ah 2013 Batch Mizoram Combined Civil Services Probationers te a kawm.

Chief Minister chuan Civil Services Probationers te chu khawtlang chhuanvawr an nih angin midangte entawn tlaka awm turin a chah a. Sorkar hnathawk pawimawh tak ni tur an nih avangin an mawhphurhna te rinawm tak leh taima taka hlen turin a fuih a. Incheina lam thlenga in uluk thin turin leh hawihhawmna vawng tlat turin a chah bawk a. Sorkar hna thawk tura bul tan chauh an nih avangin an hun tam zawk chu dik leh felfai taka an thawh theih nan, fimkhur taka bul tana, nun uluk turin a chah a. Hlawh an lak ang hu an thawk em tih inbihchiang thin turin a chah bawk a ni.

Chief Minister hian Probationers ten thil an hriat duhte zawhna hun a siam sak bawk a ni.

Inkawmna hi Pu Lalram Thanga, Principal Secretary to Chief Minister in kaihruaiin Chief Minister’s Office inrelbawl dan te a hrilhfiah bawk a ni.

Combined Civil Services Probationers te hi MCS, MIS, leh MFAS tling tharte an ni a. Tunah hian Administrative Training Institute (ATI) ah training nei lai mek an ni a. Chief Ministerin a kawmnaah hian ATI Director Pu Ashutosh Kumar in a rawn ho a ni.