3460/2023-2024

Dated Aizawl, the 24th January, 2024: Vawiin khan Chief Minister Pu Lalduhoma chuan a pisaah Mizoram State Sports Council, United Sports Association of Mizoram leh Mizoram Olympic Association hruaitute a kawm a. An mamawh a hnena an thlen te a ngaihthlaksak.

Chief Minister hian, Sports Minister fel tak kan neih avangin in harsatna te hi ani'n tha takin a bawhzui thei ang tih ka hria a. Amah kaltlanga engkim tih zel ka duh a ni. Central Scheme hmanga infiamna hmunhma siam belh theih chi a awm chuan chak taka bawhzui kan tum ang a. Sports Policy leh inrelbawlna dan tihdanglam deuh in duh te hi a tul ang zela hmalak theih a ni, a ti a. MSSC leh MOA hmunhma tur an dil pawh, hmun remchang lo melha a hnena thlen leh turin a chah a ni.

Sports hruaitute hian, Chief Minister lawmpui paha an dinhmun te hrilhhriat an duh vanga hmu an nih thu hrilhin, Sports Minister tha tak a pek avangin lawmthu an sawi a. Mizorama sports in hma a sawn zelna tura pawimawh an tih thil pariat an thlen a ni. An thil thlen zingah hian Sports Department leh MSSC budget tihpun te, MSSC leh MOA puala building hran neih te, Mizoram State Games buatsaih leh te a tel a ni.