Nimin khan Chief Minister Pu Lal Thanhawla chuan Neihloh khua a tlawh a, khawtlang hruaitute leh mipawimawh dangte nen inkawmna hun tha tak an hmang.

Chief Minister chuan Neihloh khua a sorkarin khawtlang hmasawnna tur thil thahnem tak a siam sak tawh chungchangah lawm nachang an hria chu Pathian duhdan a ni a ti a. Sorkarin hmasawn nana NLUP a chhawpchhuah hi mirethei, chanhai, leh chhumchhiate tana lei rem an rahna tur leh khaw eng an hmuhna tura a siam anih thu sawiin, tuna NLUP dawngtu ten an dinchhuahpui loh chuan dinchhuahna tur programme dang a beiseiawm tawh lovang a ti a. Chuvangin NLUP hlawhtlinna tur chuan a dawngtute kutah a innghat a ni, a ti.

Chief Minister chuan an khaw mamawh ber pakhat chu hnathawk thei tura hriselna tha an neih a ni tiin, hemi kawngah hian mahni inthunun a, zuk leh hmuamah kan fihlim a tul thu a sawi a.Hemi thu hi Pi Lal Riliani, President, Indian Society on Health & Tobacco(Mizoram Chapter) in Zuk leh hmuamin mihring te hriselna a khawih chhiat theih nasatzia leh vaihlo hi a malkhaia mihring nunna suattu lian ber a nih thu uar takin a sawi bawk a ni.

Neihloh khua hi Thenzawl atanga 18 Kms a hla a awm a ni a, in 65 leh mihring 370 vel an awm mek a ni.

Chief Minister hi nimin vek khan Aizawlah a haw leh a ni.