Chief Minister Pu Lal Thanhawla chuan vawiin khan Vanapa Hall-ah Panchayat Mahila Shakti Abhiyan (PMSA)- Khawtlang Hmeichhiate Tichaktu Pawl (Hmala-tu) - beihpui thlakna hawngin, Mizoram Municipalities-a Hmeichhia te tana Seat Hauhsakna, ‘Launching of PMSA cum Celebration of Women Seat in Mizoram Municipalities’ chu a hmanpui.
Chief Minister chuan India sorkarin hmeichhia-te dinhmun chawikan leh tihchak ringawt hi a tum anih loh thu sawiin, hun lokal zel turah hmantlak zawk leh hrisel zawk kan nih tlan theih nan mipui rorelna khawla hmeichhiate tana seat hauhsak hi a tum a ni a ti a. Parliament-ah pawh hun rei tak inhnialna te lo awm tawhin tun hnaiah Rajya Sabha in a passed tak thu leh Lok Sabha ah pawh pass mai theih a beisei thu a sawi a. Mizoramah chuan inthlanna kan neih hian mipui lamin hmeichhe candidate kan duh thin ngai loh avangin ala sak hle a ni a ti a. Kristian chhungkaw tha din tur hian nute hi an pawimawh hmasak ber thu sawiin, Pu Hawla chuan sum ngainatna avanga mahni inchhung khur chhuahsan tam lutuk hian inchhung inenkawlna a tichhia a, hei hian khawtlang nun a titluchhe thin a ni a ti. Chuvangin ram rorelkhawla hmeichhia ten hmun tam zawk an luah theih chuan khawtlang nun tluchhe mek siam tha tu leh democracy tichaktu an nih ngei a beisei thu a sawi a, Municipal Council inthlan neih turah pawh an party chuan seat 33% hauhsak an remtih tawh thu a sawi a ni.
He huna khualzahawm Minister of State for LAD, Pu P.C.Lalthanliana pawhin thusawiin, nu leh pa in kan duhdante kan sawiho hnu a hma kan lak hian kan thil tum a hlawhtling thin ang bawkin, mipa leh hmeichhia ten rorelna hmun khata kan sawiho chuan rah duhawm a chhuah ngei a beisei thu a sawi bawk a ni.
PMSA hi central sorkarin hmeichhiate tihchak (empowerment) nan January 2008 khan dinin, Mizoram sorkar pawhin February 2008 vek khan pawmin notification alo tichhuak tawh a. Chutah chuan kum 1 atan Core Committee member 15 awmna alo din tawh nghe nghe a, amaherawhchu engemaw rokhawlhna avangin vawiin thleng hian an la kalpui a ni. PMSA hi mipui aiawh hmeichhe thlan (elected women representatives - EWRs) - VC level emaw, MLA /MP level-a thlan ten thuneihna kengkawha kaihruaitu tur an nih angin, Core Committee hnen atang hian thuneihna an chhawm dawn a ni.
Inkhawm hi Chairperson, Dr. Lalhnehzovi, Reader, MZU in a kaihruai a. Chief Minister hian hmeichhe legislators lo ni tawhte hnenah chawimawina certificates a hlan bawk a ni. Inkhawmah hian kal an thahnem hle a, seat zawng zawng an luah khah vek bakah, hall chhunga step-ah an thu khat hmur a ni.
He huna khualzahawm Minister of State for LAD, Pu P.C.Lalthanliana pawhin thusawiin, nu leh pa in kan duhdante kan sawiho hnu a hma kan lak hian kan thil tum a hlawhtling thin ang bawkin, mipa leh hmeichhia ten rorelna hmun khata kan sawiho chuan rah duhawm a chhuah ngei a beisei thu a sawi bawk a ni.
PMSA hi central sorkarin hmeichhiate tihchak (empowerment) nan January 2008 khan dinin, Mizoram sorkar pawhin February 2008 vek khan pawmin notification alo tichhuak tawh a. Chutah chuan kum 1 atan Core Committee member 15 awmna alo din tawh nghe nghe a, amaherawhchu engemaw rokhawlhna avangin vawiin thleng hian an la kalpui a ni. PMSA hi mipui aiawh hmeichhe thlan (elected women representatives - EWRs) - VC level emaw, MLA /MP level-a thlan ten thuneihna kengkawha kaihruaitu tur an nih angin, Core Committee hnen atang hian thuneihna an chhawm dawn a ni.
Inkhawm hi Chairperson, Dr. Lalhnehzovi, Reader, MZU in a kaihruai a. Chief Minister hian hmeichhe legislators lo ni tawhte hnenah chawimawina certificates a hlan bawk a ni. Inkhawmah hian kal an thahnem hle a, seat zawng zawng an luah khah vek bakah, hall chhunga step-ah an thu khat hmur a ni.
Attachment
- Loading attachment...
