Vawiin chawhma dar 11:00 khan Lunglei Chanmari ah  SBI Branch thar a hawn a ni a. Hawnna inkhawm ah hian Chief Minister Pu Lal Thanhawla chu Chief Guest niin Pu Bhaskar J.Sarma, GM (NW-II) SBI, NE circle chu khual zahawm a ni a. Chief Minister thiannu Pi Lal Riliani, HPC Vice Chairman PuJoseph Lalhimpuia, Parliamentary Secretary Pu H.Zothangliana leh Lunglei DC Pu V. Sapchhunga te pawh Bank thar hawnna ah hian an tel a ni.

Chief Minister chuan Bank chu Loan lakna a tan chauh a ngai lovin sum dah that leh peipun nan te leh din chhuah nan hman kan zir a tha a ti. Tunlaia Bank lem tam tak Mizo te min rawk mektu te lak ah kan inthiar fihlim thiam a ngai tak zet a ni a ti. Bank tam zawk Mizoram in a sawm luh belh mek zel a; heng Bank lo lut te hian inelna  thianghlim an neih chuan Mizo mipui ten kan that pui hle dawn a ni a ti. Bank a thawk Mizo kan la tam loh avangin hnamdang Bank a hnathawk Mizoram a awm te chungah zawl kan dawh thiam leh kan enkawl thiam chuan Bankers meet ah pawh Mizoram chhunga thingtlang khua mi 2000 awm tawhna ah chuan Bank hawng turin sawmna a siam thawh thu leh chu chu RBI pawh in a remtih pui a ni a ti. Sawrkar laipui chuan 11th Five Year Plan ah khua leh tuite  a tam thei ang berin Bank leh Financial institution te kal tlangin rem channa siam sak a duh a ni a ti.

Sum ngainatna avang leh ‘thar rang’ thlahlel avangin Bank lem tam takin Mizoram chu a ti buai mek a, sawrkar pawh a inrawlh a ngai ta a ni a ti. Sawrkar hna thawk tawh phawt chu Loan la te hnen ah Quarantor a tang lo tur in thupekchhuah  hriattir an nih tawh thu a sawi a. Chiahpuam a inhnamhnawih leh sawrkar sum chiah puam tu te chu an chungthu rel sak mek zel a ni ati. Mizo ten Loan kan rulh that loh avanga kan kawng ping tawh chu insiamtha in kan hawn leh angai a ni a ti.

Vawiin a hawn tak SBI Branch hi Lunglei ah SBI Branch 2-na a ni a, India ram pum puiah SBI hian Branch 15,600 a neih tawh a ni. SBI chuan tuna Lunglei a ATM pakhat chauh awmchu a tawkloh thu leh 4 dang arang lama dah anih tur thu an sawi. SBI North East hotupa Bhaskar J. Sarma hian Chief Minister hnenah History of Bank Volume - IV na a hlan nghal.

Bank hawn hma hian Lunglei Circuit House pan na kawngpui sirah Chief Minister leh a thiannu Pi Lal Riliani te chuan ‘Rihnim’ Thing tiak pakhat ve ve DFO Pu Kawlhnuna kaihhruaina in an phun nghal a ni.