No.5749/2020-2021 

4.10.2020: Chief Minister Pu Zoramthanga chuan vawiin khan ruahsur avanga Sihphir hmun hrang hranga leimin in chhiatna a thlen te a hmunah a enfiah.

Chief Minister hi khawtlang hruaitute leh bialtu BDO ten lo dawngsawngin an enho a. Sihphir Neihbawi a chenna in pakhat chu tlu in a chhe vek a. Heng bakah hian leimin avanga thawm that ngai chenna in dang engemawzat a awm a ni. Vengchhung kawng thenkhat leimin hian hnawh ping in, min leh mai thei tura hlauhawm a ngaih pawh a awm. Chief Minister chuan Aizawl DC pawh rang taka hma la turin a hrilh a ni.

Khawtlangin a chhawmdawl hnatlang an thawk nghal a. Chief Minister hian hnatlang ei leh in man tur cheng sing hnih a pek bakah silpauline 20 chuang a pe a ni.