Chief Minister Pu Lal Thanhawla chuan nimin khan Union Minister for External Affairs Pu Salman Khurshid leh Union Minister for Overseas Indian Affairs Pu Vayalal Ravi te lehkha thawnin, Ukraine leh Russian control Crimean Peninsula a buaina namenlo chhuakah Mizo zirlai 30/40 vel awmte sahimna tura a tul ang anga hma la thuai turin leh an dinhmun vil reng turin a ngen a. Chief Minister chuan heng zirlaite mai nilo, an chhungte mangan thu leh an thlabarzia te hrilh bawkin heng Mizo zirlai naupangte ngaihsak reng tura helaia Indian Missions awmte hrilh a, tanpui ngaite tanpui zel tura hrilhhre turin a ngen a ni.

Chief Minister Pu Lal Thanhawla hian Indian Missions ten zirlaite chu englaipawha vil tur leh chanchin engkim Mizoram sorkar hriat tir thuai thin turin Union Minister te hi a ngen bawk a ni.