Delhi a cham mek Chief Minister Pu Zoramthanga chuan nimin khan Union Civil Aviation Minister Hardeep Singh Puri chu hmu in, a office conference hall-ah Civil Aviation a mithiamte nen inkawmna hun an hmang.

Chief Minister chuan Mizoram tana thil tul hrang hrang - Lengpui Airport tihhmasawn dan tur te leh thlawhna tam zawk service theih dan tur te Union Minister hi a sawipui a. Hmalak theih dan tur kawng hrang hrangte sawiho niin, Pu Hardeep Singh Puri chuan a lo enzui tur thu a sawi.

Chief Minister hi Chief Secretary Pu Lalnunmawia Chuaungo leh Pr.Consultant, GAD Aviation ten an tawiawm a ni.