Nizan (2.12.2019) khan Chief Minister Pu Zoramthanga chuan Union Home Minister Pu Amit Shah chu a chenna inah kawmin, Citizenship Amendment Bill chungchang leh thu pawimawh dang hrang hrang a sawipui.

Chief Minister chuan Citizenship Amendment Bill chungchang Mizo mipui ngaihdan te, Mizoram tana All India Service Cadre hran neih chungchang te, The Mizoram (Maintenance of Household Register) Bill, 2019 chungchang te, Tripura-a Bru refugee chungchang te, Aizawl khawpui laili a?anga Assam Rifles sawn chhuah chungchang te, Ministry of DoNER leh NEC a Budget tam zawk dah chungchang te, Hindi Teachers chungchang leh Zoram Medical College  chu AIIMS zulzuia medical college-cum-hospital a din chungchang te leh Home Department mamawh hrang hrangte a sawipui a. Heng Chief Minister in thu a thlen te hi Union Home Minister chuan enzui a lo tiam a ni.

Nimin vek khan Chief Minister hian DoNER Minister Pu Jitendra Singh chu a chenna inah a kawm bawk a. India hmarchhak state te tana Ministry of DoNER leh NEC ten nasa zawka hna an thawh theih dan turte leh hnathawh dan tura rawtna a thlen bawk.

 Chief Minister hi Lok Sabha MP Pu C.Lalrosanga, State Planning Board Vice Chairman Pu H. Rammawi, Chief Secretary Pu Lalnunmawia Chuaungo leh official dangten an tawiawm a ni.