Chief Minister Pu Lal Thanhawla chuan USA-a a zinna ah 7th September, 2010 khan World BankVice President leh World Bank-a India ram aiawhtu Executive Director te a hmu a, Mizoram Sorkar-in Health leh Human Resource Development lama hma a lak tumna kawng hrang hranga World Bank tanpuina dawn theih awmte a sawipui. Chief Minister chuan mipui mamawh zualpui phuhruk nana Health Services tihchangtlun a pawimawh thu te a thlen a, hei hian primary, district leh state level-a in-house services te, diagnostic leh clinical services te leh specialized medical services te a huam dawn a ni. Hmun kilkhawr leh tlangram chhengchhe taka awm Mizoram tan chuan IT lama tha taka inthlunzawm a tul thu te a sawi lang bawk. Hei hian mamawh huna hmunhlaa mithiamte awlsam taka rawn a tiawlsam dawn a ni. Mizoram-a Medical College din chungchang pawh sawilan a ni bawk. Cancer leh Drugs ven nana programme fel tak duanchhuah a tul thu te an sawiho bawk a ni.
Chief Minister chuan Mizoram Sorkarin Human Resource Development a ngaihpawimawh thu sawiin Primary atanga Higher Secondary school thlenga zir dan hmang chawikan nana programme changtlung siam te, Science leh Mathematics zirtirna kawnga a bik taka hmalak te, zirtirtute training leh State mamawh zulzuia vocational education tihchangtlun chungchangte a sawi bawk a. Indira Gandhi National Open University hnuaia mahni awmhmun atanga zirna (Distance Education) chawikan te pawh sawiin chutiang atan chuan Mizoram Education Reforms Commission report te pawh hman tangkai theih a nih tur thu te a sawifiah bawk.
Ministry of Power, Government of India chuan World Bank tanpuina hmuh nan India hmarchhak states te tana power transmission leh distribution system tihchangtlun nan ruahmanna kimchang tak a duang tawh a. Department of Economic Affairs, Ministry of Finance chuan he ruahmanna hi World Bank ngaihtuah turin a thehlut tep tawh a ni. He ruahmanna hnuaiah hian Mizoram bik tan Rs 714 crores dah a ni a, hetah hian transmission lines siamthar leh tihchangtlunna leh sub-stations mamawh te dinna a huam a ni. Transmission system hman mek hi a that tawk loh avangin a kalkawngah power tam tham tak hloh a ni thin a, chumi hriain he ruahmanna hian hmarchhak te a ngaipawimawh hle a ni. World Bank chuan India Sorkar atanga he Scheme an dawn hnuah a rang thei ang bera lo tihhlawhtlinsak turin Chief Minister chuan a ngen bawk a ni.
Mizoram chhunga kawngpui 184 km cheithat nana World Bank atanga Rs 350 crores (US $70 million) dawn chu lawmthu sawiin Chief Minister chuan Sairang - Bungtlang (multi-modal transport route) kawngpui 350 km siam nan World Bank tanpuina Rs 1750 crores (US $380 million) dilna a thlen bawk a ni.
Mizoram kawngpui siamthat nana revised cost US $104 bakah, tha taka hna thawh zawh nan Chief Minister chuan additional fund US $13 million a dil belh bawk a, he additional loan dilna, India Sorkarin World Bank hnena a thehluh tawh chu a hma lama tihfelsak turin a ngen bawk.
World Bank hotute chuan an lo dawngsawng tha hle a, State Sorkar hmalakna turte chu detailed programme duangin World Bank-a India aiawh hnenah lo thehlut turin an lo hrilh a ni.
Ministry of Power, Government of India chuan World Bank tanpuina hmuh nan India hmarchhak states te tana power transmission leh distribution system tihchangtlun nan ruahmanna kimchang tak a duang tawh a. Department of Economic Affairs, Ministry of Finance chuan he ruahmanna hi World Bank ngaihtuah turin a thehlut tep tawh a ni. He ruahmanna hnuaiah hian Mizoram bik tan Rs 714 crores dah a ni a, hetah hian transmission lines siamthar leh tihchangtlunna leh sub-stations mamawh te dinna a huam a ni. Transmission system hman mek hi a that tawk loh avangin a kalkawngah power tam tham tak hloh a ni thin a, chumi hriain he ruahmanna hian hmarchhak te a ngaipawimawh hle a ni. World Bank chuan India Sorkar atanga he Scheme an dawn hnuah a rang thei ang bera lo tihhlawhtlinsak turin Chief Minister chuan a ngen bawk a ni.
Mizoram chhunga kawngpui 184 km cheithat nana World Bank atanga Rs 350 crores (US $70 million) dawn chu lawmthu sawiin Chief Minister chuan Sairang - Bungtlang (multi-modal transport route) kawngpui 350 km siam nan World Bank tanpuina Rs 1750 crores (US $380 million) dilna a thlen bawk a ni.
Mizoram kawngpui siamthat nana revised cost US $104 bakah, tha taka hna thawh zawh nan Chief Minister chuan additional fund US $13 million a dil belh bawk a, he additional loan dilna, India Sorkarin World Bank hnena a thehluh tawh chu a hma lama tihfelsak turin a ngen bawk.
World Bank hotute chuan an lo dawngsawng tha hle a, State Sorkar hmalakna turte chu detailed programme duangin World Bank-a India aiawh hnenah lo thehlut turin an lo hrilh a ni.
