Khawvel puma a thlawna thisen pekna ni vawiin 'World Blood Donor Day' a hman chu, Mizoramah pawh Vanapa Hallah, Mizoram State Aids Control Society (MSACS) leh Association For Voluntary Blood Donation (AVBD) Mizoram tangkawp ina an buatsaih chu Chief Minister Pu Lal Thanhawla chuan a hmanpui.
Chief Minister Pu Lal Thanhawla chuan thisen hi Pathian Nung chauh ina siam theih, a hlutzia hi thuthlung hunahte inthawi nan an hmang thin a, thuthlung thar hunah Pathian Fapa thisenin mihringte min tlan a ni a ti a.Chuvangin thisen pe thei a hriselna tha kan nei te hi midangte tana malsawmna ni tura Pathianin malsawmna min pek a ni a ti. Mi hrisel tha te hnen atang chauh a thisen dawn theih leh damlo te pek theih anih avangin kan nun pawnlam leh chhunglam uluka, invawng thianghlim a kan hriselna thichhe thei tu zawng zawng laka fihlim hi mitinin kan tum angai a ni a ti a. Mi thawhchhuahsa ring chung leh intodelh si loh chuan midangte tan malsawmna nih a harsa thin a ni tiin, Pu Hawla chuan malsawm tlaka awm tur leh hriselna tha neih a pawimawhzia hre thar theuh turin mipui, abikin zirlai naupang inkhawma tel ve te chu a chah a ni.
World Blood Donor Day hi khawvel pumah kum 2004 atang khan hman tan a ni a, Mizoramah chuan kum 2007 atangin hman tan a ni. Hemi ni in a tum ber chu a thlawna thisen petu zawng zawng hnena lawmthu sawina ni remchang atana hman leh a thlawna thisen pek chawisan zel a ni. Thisen pek dan hi chi 2 a kalpui a ni tlangpui a - laina, thenrual leh thenawmte tana a bika pek (replacement donation) leh tu tan pawha hman tur, a thlawna thisen pek (voluntary donation) a ni a, mahni thisen hralh erawh Supreme Court in a khap bur tawh a ni.Mi hrisel tha te hnen atang chauha thisen dawn dahkhawmna Blood Bank hi Mizoramah phalna neiin 10 a awm tawh a, Aizawl Civil Hospital Blood Bank phei hi chu NACO in 'Model Blood Bank' ah a hlangkai tawh nghe nghe a ni. Kum 2010 April leh 2011 March inkar chhunga Mizoram chhunga thisen pek zawng zawng chu 22,365 units a ni a, hetah hian voluntary donationchu 77.2 % niin abak 22.8 % chu replacement donation a ni.Kumin 2011 - 2012 chhunga tlin tum(target) chu voluntary donation 90 % leh donation camps 385 neih a ni a, bul tan nan June ni 15 YMA Day denchhenin Aizawl Civil Hospital Auditorium ah 'Mass Blood Donation Camp' neih a ni ang.
Hemi ni hian AVBD hmalakna in Voluntary Blood Donation Award 2011 siam a ni a, Category 4 - Religious, Education, YMA leh Miscelleneous categoryah te thenhrangin, lawmman pathumna thleng zel trophy pek an ni a. A pumpuia ti tha lawt lak, overall champion chu thisen unit 355 pe in, Ramthar Branch YMA chuan trophy bakah thilpek an dawng a ni. Kumin valentines day, ni 14.2 2011 a civil hospitala voluntary blood donation huaihawttu (thisen unit 350 pekna) Nula Chuauzikpuii hnenah Special Award pek a ni bawk.
Inkhawmah hian Chief Minister nupui Pi Lal Riliani chuan hriselna tha nei tura zuk leh hmuama fihlim hmasak a tul thu uar takin a sawi a.Health Secretary Pu K.Lalnghinglova pawhin thusawiin, thalaite zingah thisen test hlauh vanga thisen pe ngamlo an awm chho ta fo mai chu pawi a tih thu a sawi a. Thisen pe thei ten an nitin nun an uluk a, an damrei zawk bawk a ni a ti.
Inkhawm hi Dr.Eric Zomawia, Project Director, MSACS in a kaihruai a ni.
World Blood Donor Day hi khawvel pumah kum 2004 atang khan hman tan a ni a, Mizoramah chuan kum 2007 atangin hman tan a ni. Hemi ni in a tum ber chu a thlawna thisen petu zawng zawng hnena lawmthu sawina ni remchang atana hman leh a thlawna thisen pek chawisan zel a ni. Thisen pek dan hi chi 2 a kalpui a ni tlangpui a - laina, thenrual leh thenawmte tana a bika pek (replacement donation) leh tu tan pawha hman tur, a thlawna thisen pek (voluntary donation) a ni a, mahni thisen hralh erawh Supreme Court in a khap bur tawh a ni.Mi hrisel tha te hnen atang chauha thisen dawn dahkhawmna Blood Bank hi Mizoramah phalna neiin 10 a awm tawh a, Aizawl Civil Hospital Blood Bank phei hi chu NACO in 'Model Blood Bank' ah a hlangkai tawh nghe nghe a ni. Kum 2010 April leh 2011 March inkar chhunga Mizoram chhunga thisen pek zawng zawng chu 22,365 units a ni a, hetah hian voluntary donationchu 77.2 % niin abak 22.8 % chu replacement donation a ni.Kumin 2011 - 2012 chhunga tlin tum(target) chu voluntary donation 90 % leh donation camps 385 neih a ni a, bul tan nan June ni 15 YMA Day denchhenin Aizawl Civil Hospital Auditorium ah 'Mass Blood Donation Camp' neih a ni ang.
Hemi ni hian AVBD hmalakna in Voluntary Blood Donation Award 2011 siam a ni a, Category 4 - Religious, Education, YMA leh Miscelleneous categoryah te thenhrangin, lawmman pathumna thleng zel trophy pek an ni a. A pumpuia ti tha lawt lak, overall champion chu thisen unit 355 pe in, Ramthar Branch YMA chuan trophy bakah thilpek an dawng a ni. Kumin valentines day, ni 14.2 2011 a civil hospitala voluntary blood donation huaihawttu (thisen unit 350 pekna) Nula Chuauzikpuii hnenah Special Award pek a ni bawk.
Inkhawmah hian Chief Minister nupui Pi Lal Riliani chuan hriselna tha nei tura zuk leh hmuama fihlim hmasak a tul thu uar takin a sawi a.Health Secretary Pu K.Lalnghinglova pawhin thusawiin, thalaite zingah thisen test hlauh vanga thisen pe ngamlo an awm chho ta fo mai chu pawi a tih thu a sawi a. Thisen pe thei ten an nitin nun an uluk a, an damrei zawk bawk a ni a ti.
Inkhawm hi Dr.Eric Zomawia, Project Director, MSACS in a kaihruai a ni.
Attachment
- Loading attachment...
