DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/chief-minister-kum-73-tlin-lawmpuitu-zingah-pm-leh-soniap

CHIEF MINISTER KUM 73 TLIN LAWMPUITU ZINGAH PM LEH SONIA

Chief Minister Pu Lal Thanhawla chu vawiin khan kum 73 a tling ta. Kum 73 a tlin champhaphakah hian lawmpuitu thahnem tak zingah Prime Minister Dr.Manmohan Singh leh UPA Chairperson Pi Sonia Gandhi te chuan duhsakna an rawn hlan a ni. Ram chhung leh ram pawn atangte pawhin mi pawimawh tak tak ten lawmpuina thu an rawn thawn bawk.

Pu Hawla pianchamphaphak hi Governor Lt. Gen (Rtd) MM Lakhera , Council of Ministers, MLA leh official tam takin lawmpuina an hlan bawk a. Tukin zing khan 26 Assam Rifles Pipe Band ten a chenna bungalow ah rimawi nen an lawmpui bawk a ni. Anni bakah hian Mizoram chhung atangin mimal thahnem takin lawmpuina leh duhsakna an hlan bawk a, Chief Minister Office's staff ten birthday cake nen an lawmpui bawk a ni.