Tahan, Myanmar a Chapchar kut lawmnaa khuallian Pu Lal Thanhawla,  Chief Minister chu Myanmar a zohnahthlak unau ten an thlamuanpui thu leh zoram pawn a zohnahthlak hmun hrang hrang a awm te ngaihtuah thintu leh thlamuan thintu anih avangin Pu Hawla chungah lawmthu uar takin an sawi a. Pu Hawla chuan Zohnahthlak te hi Pathianin A  Chanchintha puang darh turin min zawngchhuak a, kan awmna apiang ah chu chu kan ngaipawimawh tur ani a ti a. Thisen zawmpui leh thlahtu thuhmun ni mah ila political rami then avangin India ram state hrang hrang ah te, Myanmar leh Bangladesh ah te kan awm darh a, hei hian Unau kan nihna a ti danglam thei chuanglo tih kan hriat angai a ni a ti. 

Khuallian chuan zohnahthlak Myanmar a awm te nen awlsam zawk a kan inkalpawh theih nan leh border insumdawntawnna hlawk zawk a kal pui anih theih nan India sorkar laipuia theihtawp chhuah a tum thu sawiin, Khampat bung hi zohnahthlak hmun hrang2  hmun pawimawh bik anih avangin a humhalh turin Sawrkar laipui kaltlang a hma lak anih tur thu pawh a sawi bawk a. Tahan a cham chhung hian zohnahthlak khua hrang hrang Khampat, Kanan, Pyingkhung, Letpan Chhawng  leh Vaphai khua te a tlawh a, mipui tam takin an lo hmuak a, an lo lawm avang a mittui luang hmuh tur tam tak an awm bawk ani.Tahan ah hian Kalay University tlawhin, hetah hian zirlai sang tel awmin, atam ber chu zohnahthlak an ni a, Mizoram university te nen thawh dun theih dan lo ngaituah pui a tum thu a sawi a ni. aAmah lo dawngsawng tu Professor Dr.Than Win, Rector Kalay University chuan thawhho theih nise an hlawkpui hle ang tih  sawiin an nghahhlelh thu a lo hrilh ani.Wesley Hospital Methodist kohhran enkawl mek pawh tlawhin thiamna in tanpui tawn dan ngaihtuah nise an ti bawk a ni.

Chief Minister hi Zomi Democratic congress party leh Zomi Youth association  ten lo hmuin kawl ram alo kal hian Myanmar Sorkar lak ah nasa takin zohnahthlak ten ngaihsak an hlawh leh zual ngei an rinthu anlo hrilh a. Pu Hawla chu zoram chhung chauh pawh nilo ram pawn a zohnahthlak te pawhin nu leh pa a an neih thu leh an thlamuanpui thu an lo hrilh a, thil pek an hlan bawk ani.

Myanmara tuilian nasa tak avangazoohnahthl;ak unauten harsatna namenlo an tawrh laia Mizoram sorkar leh mipuiten an tanpui avangte, India sorkarin atanpui theih nana Chief Minister Pu Lal Thanhawla hmalaknate chu chhuanawm an tih thu uar takin an sawi a.Myanmar chanchinthar lamah pawh Vhief Minister hming hial tarlangin tanpuina a vanga lawmthu anlo sawi bawk a ni. Harsatna nsasa tak an tawh laia Mizoramin tanpuina an pe chu unau kan nihna ti nghettu a ni tiin, Myanmar sorkar leh kawlhote pawhin min zahin min endan pawh a dang hle a ni an ti.

Chin literature and cultural committee te pawhin lawmthu anlo hrilh a, Yztp in nizanah Rangoon ah chaw hlui an buatsaih sak a lawmthu anlo hrilh bawk a ni. Dr. N. Nandakumar,  Consul General of India in  a kalna apiang ah a tawi awm a ni.