New Delhi-a hmunpui nei, Media Federation of India chuan 22nd February 2014 khian 8th Media Excellence Awards 2014 puanchhuahna leh hlanna New Delhi, K.K.Birla Auditorium, Mandi House ah an buatsaih dawn a. Hetiang rampum huap, hun zahawm leh ropui takah hian Chief Minister Pu Lal Thanhawla chu ‘Special Guest’ ni turin an sawm.

Hetih lai hian Chief Minister Pu Lal Thanhawla hi naktuk ni 19 December 2013 hian Aizawl chhuahsanin New Delhi a pan dawn a. Ni 20 December 2013 (Zirtawpni) khian UPA Chairperson Pi Sonia Gandhi leh Prime Minister Dr.Mammohan Singh ten meeting an neihpui ang.