Chief Minister Pu Lal Thanhawla leh mithiam rual (academicians) ten inpawlhona, interactive session vawiin khan Chief Minister's Office conference hall-ah neih a ni He session ah hian Mizoram sorkar leh mipute tana tangkai thei tura ngaih subject thlanchhuah hrang hrang power point hmanga sawifiah hmasak a ni a, sawihona hunin a chhunzawm nghal thin a ni.

He sessiona thuhma a sawiah Chief Minister chuan  kan ram tana thil pawimawh tam tak ngaihtuah ho tur leh ngaihdan kan neihte inngaihthlak sak tawn tura hetiang inpawlhona hun tha, interactive session mithiam bik scholars te, scientists te, social scientists te leh theologians te nen kan nei thei chu lawmawm a tih thu a sawi a. An sawiho tur topic zau tak, sorkar flagship programme NLUP te, Public Private Partnership (PPP) te, kan chhehvel boruak sik leh sa, thing leh mau leh nungcha te leh sorkarin  inrelbawlna tha a neih theih dan te bakah langtlang leh insawifiah thei sorkar chungchang te a ni a ti a. Hetiang hun tha nei tura ngaihtuahna in seng lawmawm a tihthu sawiin, an thiamna leh an lo tawnhriatte chu sorkarin a hlawkpui hle a beisei a ni a ti.

Pu Lal Thanhawla chuan politicians te chu hruia sava thu ang chauh an nih thu sawiin, kan lokal a  kan kal leh mai thin a. Chuvangin nangni mithiamte, kalsawn ve lo te hian sorkar hmalakna te hi thui takin in kaihruai thei a ni a ti.Kan mithiam ten a sorkar kalphung an veipui chu lawmawm a tih thu a sawi a. Sorkar tha siam tur hian mipui lam pawhin tih tur pawimawh tak kan nei a ni a ti a.

Chief Minister  chuan mithiam, academics te hian sorkar finchhuah fo tura sawmin, an inkawmhona chuan rah tha tak a neih ngei a beisei thu a sawi bawk a ni.

Interactive sessionah hian Dr JV Nunchunga, Govt J Thankiama College leh Abdul Hannan Barbhuiya, Kamlanagar College ten 'Employment, PPP & Private Sector' tih thu te, Mrs. Rama Ramswamy, MZU in ' Cluster Development as a Strategy to Develop Micro Enterprises in Mizoram : A case study of Thenzawl Handloom Cluster' tih chungchang te, Dr.Vanlalchhawna,Reader,MZU in 'Fiscal Management - Issues and Concerns' tih te, Prof JK Patnaik leh Lallianchhunga, Assistant Prof, PUC ten 'The Issues of Governance' tih chungchang te, Vanramliana leh Dr.Lalramliana ten 'Physical Environment of Mizoram - Situation and Future Plans' tih thu te, Dr.Kalpana Sarathy leh Dr. HK Laldinpuii Fente, MZU ten 'Psycho Social Environment' tih leh Prof. H.Lalramnghinglova, MZU in 'NLUP Environment Group' tih powerpoint hmangin an hrilfiah hlawm a, sawi zui nghal a ni bawk.

He huna tel tura sawm zawng zawng mi 56 te chu an tel tha hle a ni. He hun, Chief Minister's Interactive with Academics buaipuitu, a convener hi Pu L.R.Sailo, Press Secreatry to Chief Minister a ni a, Programme Co-ordinator hi Dr. L.H.Chhuanawma a ni a. He hunah hian Pu C.L.Ruala, MP, Pu Lalsawta, Education Minister, Pu S.Laldingliana,Parliamentary Secretary, Pu John Siamkunga,MLA, Pu Vanhela Pachuau, Chief Secretary, Pi Esther Lalruatkimi, Secretary, Education leh Pu T.P.Khaund, Principal Adviser to Govt of Mizoram te an tel a. Pu Lalram Thanga,IFS, Pricipal Secretary to Chief Minister in lawmna thute sawiin sorkar official te introduction a nei bawk a ni.