No.3557/2021-2022

Aizawl, the 5th January 2022 : Nimin tlai khan Chief Minister Pu Zoramthanga chuan a pisa ah N. Ranga Rao & Sons Pvt. Ltd. hotute nen inkawmin, mau hmanga thilsiam chhuah chungchanga Mizorama hmalakna awm thei an sawiho.

Bamboo Development Agency (BDA) nen thawkhovin N. Ranga Rao & Sons Pvt. Ltd. chuan BDA processing unit a thawktute hnenah a thlawnin training an rawn pe tawh a. A enchhinna atana raw?hing hmanga agarbatti stick siamchhuah an hmunpuia zuk thawn chu tha an tih thu dawn a ni. Anni company hi mau atangin agarbatti bakah skewer, chop stick leh thil dang dang siamtu lian a ni a. A siamchhuahna atana mau an hman tam zawk hi ram pawn atanga lakluh a nih avangin ramchhung ami ngei mau hman tur a awm chuan an duh thu an sawi a. Mizorama mau variety hrang hrang zingah thilsiam chhuahna hmanrua atana tha turte enho ni se an ti a ni.

He meeting ah hian Commerce & Industries Director Pi Florence Zotluangpuii leh BDA thawktu pawimawh te an tel a ni.