Chief Minister Pu Zoramthanga chuan tun thla tira boral, External Affairs Minister lo ni tawh Pi Sushma Swaraj chhungte chu New Delhi-a an chenna in Jantar Mantar Road-ah vawiin tlai khan a râl. He hunah hian Sushma Swaraj pasal Swaraj Kaushal leh a fanu Bansuri Swaraj ten an lo dawngsawng a. Pu Zoramthanga chuan Sushma Swaraj chu India ram politician ropui ber zinga mi a nih thu leh hun lo taka a boral chu a uizia leh channa nasa tak a nih thu sawiin an pafa tan a ṭawngṭai ṭhin thu a hrilh. Swaraj  Kaushal hi kum 1990 - 1993 chhung khan Mizoram Governor a lo ni tawh a ni.