Vawiin khan Mamit District Jail leh District Hospital, Mamit tan Chief Minister krismas thilpek hlanna neih a ni a, thilpek hi Pu H. Lianzela Addl D.C leh Pu Narayan Thapa, SP Mamit chuan Chief Minister aiawh hian  an hlan a ni.

Vawiin Krismas thilpek hlanna hi District Jail Mamit tan hian Pu H. Lianzela Addl D.C, Mamit chuan  Rs 3000(sangthum) a hlan  a, District Jail Mamit, te chuan hlim leh lawm taka krismas an hman theihna tura tangkai taka hmang turin duhsakna a hlan nghal a ni.

Tunah hian District Jail Mamit-ah hian  tang 61 mipa 58 leh hmeichhia pa 3 an awm mek a ni.

Vawiin vek hian District Hospital, Mamit tan  Pu Narayan Thapa SP Mamit chuan Chief Minister thilpek Rs 3000 (sangthum)  hlanna a nei bawk. Dr Zirsangliana Khiangte Gynea,  Medical Officer, District Hospital chuan Mamit Hospital tana thilpek petu Chief Minister chungah lawmthu a sawi a, chu tanpuina chu tangkaia taka hman tum a nih thu a sawi bawk a ni.

District Jail leh District Hospital tan hian MHIP Sub Hqrs Mamit te chuan Rs 3000 (samgthum) ve ve an hlan bawk a ni.

Shelter Home Mamit tana Chief Minister thilpek hi naktuk hian Pi Lalbiaksangi District Bawrhsapin a hlan leh ang.

Vawiin thilpek hlanna ah hian khawtlang hruaitu aiawh, Sub Hqrs MHIP aiawh, Excise Department atang leh DIPRO atang ten an tel a ni.