608/2026-2027

Aizawl the 20th May 2026: Vawiin khan Chief Minister Pu Lalduhoma kaihhruaiin Chief Minister's Charitable Trust Board of Trustees te chuan CM Office-ah Annual Meeting an nei a. Chief Minister's Charitable Trust chu Department, Society, NGOs leh mimal pawhin CSR dawnthleng atana an hman theih tura inhawn an remti.

Board of Trustees Annual Meeting hian kum kalta chhunga an sum dinhmun an thlirlet a, Financial Year 2025-26 atana Trust Auditor tur leh Pro Bono Advisor tur an ruat a. Board Chief Executive Officer atan Pi R. Lalrodingi leh Secretary atan Pu Raymond Lalmuanate chu an ruat.

Ram pawn atanga dan ang taka tanpuina (Donation) dawn theihna Foreign Contribution Regulation Act (FCRA) registration neih tha an ti a. Hmalak zui a ni ang. Mizoram Corporate Social Responsibility Cell (CSR Cell) nena thawh dun theihna awm apianga thawh dun an remti bawk.

Mizoram sorkara Department hrang hrangten CSR dil chhuah an neih changa Implementing Agency an mamawhin Chief Minister's Charitable Trust hi Agency-ah an hmang thei ang.

Chutiang bawkin, Society, NGO leh mimalin CSR an hmuha Agency an mamawh chuan he Trust hi hman theih a ni bawk ang.

Chief Minister's Charitable Trust-ah hian Pu Lalduhoma, Chief Minister chu Settlor a ni a, Pu Vanlaldina Fanai, Secretary to CM leh Pu David Lalthantluanga, Secretary, P&PI te chu ex- officio Trustee an ni.