No.1706/2021-2022

Aizawl 6th August, 2021: Chief Minister Zoramthanga chu Nilaini (4.8.2021) khan Lok Sabha MP Pu C. Lalrosanga chuan a pisa ah hmu in, COVID-19 hrileng avanga harsatna tawk te chhawmdawlna turin a MPLADS atangin CM Relief Fund atan cheng vaibelchhe 1 a hlan.

Chief Minister leh MP Lok Sabha te hi inkawmin, ramri chungchang leh a kaihhnawih economic blockade te, Myamar atanga mahni sahimna lo zawnga lo lutte chungchang leh hripui leng chungchangte an sawi dun a. Lok Sabha MP chuan COVID-19 thawh hnihna Zoram mipuiin harsatna nasa tak an tawk chu a theih ang anga puih a duh avanga he chhawmdawlna sum hi pe a nih thu a sawi. Vawiin zirtawpni (6.8 2021) hian session ah tel chhunzawm turin Delhi a pan leh dawn a ni.

MP Pu C. Lalrosanga hian nikum khan CM Relief Fund for COVID-19 ah cheng nuai 15 lo pe tawhin, heti hian a vaiin cheng nuai 115 chhawmdawlna sum a pe tawh a ni.