542/2023-2024

Aizawl, the 22nd May 2023: Pu Pullela Gopichand, Chief National Coach, India National Badminton Team chu zanin khan Raj Bhavan-ah Governor Dr Hari Babu Kambhampati a hmu.

Governor Dr. Hari Babu Kambhampati  chuan Pu  Pullela Gopichand, Chief National Coach, India National Badminton Team chu Mizoramah a lo lawm a. Mizoramah Badminton hlawhtlin pui thei thalai beiseiawm tak tak tam tak an awm tih a lo hrilh a. Governor chuan Mizo thalai te chuan India ramah Football huangah hlawhtlinna duhawm tak an chang mek a. Badminton huangah pawh hian kaihruaina tha an hmuh theih chuan hlawhtlin na lian tham tak tak chang turin theihna an nei a ni a ti.

Chief National Coach, India National Badminton Team chuan Governor hnenah hian a lo zin chhan leh a hun hman dan tur te  a hrilh a. A cham chhungin Badminton player te tih hmasawn dan tur official, coach leh player te a sawipui dawn tih a sawi a ni.

Pi Neelam Babardesai, Head of Sports, Tata Trusts leh official dang te pawh he meeting-ah hian an tel a ni.