Vawiin chawhma dar 10:00 khan Saikuti Hall, Lunglei-ah Pu Vanhela Pachuau, IAS, Chief Secretary hovin meeting neih a ni. He meeting hi Pi M.Zohmingthangi, IAS, Lunglei Bawrhsap in a kaihruai a ni.

Lunglei District-a sawrkar hnathawk Group A leh Group B officer te kohkhawm an ni a, an kal tha hle. Thu sawiin Pu Vanhela chuan sawrkar hnathawk hi mi vannei kan ni a, sawrkar dan pawhin min hum him tha tawk a ni, a ti. Chutiang a nih avang chuang sawrkar hnawthawkte pawh in rinawmna, taimakna leh dikna nen kan thawh a ngai a ni, a ti. Sawrkar hnathawk te hian sawrkar dan leh thupek te hi kan hrechiang tur a ni a, kan tih tur leh tih loh tur chin kan hre tur a ni, a ti. Office kal pawh a hun takah kal a, a hun takah kan bang tur a ni, a ti. Sawrkar hnathawk tamtak mahni hna pawh chiang lo, thawk tha peih bawk silo sum leh paia rinawm lo Kristian ni bawk si hi a pawi a ni, a ti. Mizoram siam tha turin kan vaiin kan pawimawh a, thinlung thar nen hna thawk turin kalkhawmte a sawm a ni.

Pu Vanhela Pachuau, IAS, Chief Secretary hian vawiin chawhnu dar 1:00 khan Lunglei Tlawnghnar a Nehemia Prayer Mountain Rev. H.Killuaia (Rtd.) buatsaih a hawng bawk.