No.7503/2020-2021

Chief Secretary Pu Lalnunmawia Chuaungo,IAS hovin vawiin chawhnu dar 1:00 khan Chief Secretary's Conference Hall, MINECO-ah,  Mizoram pawna hnathawka awm, COVID-19 hrileng vanga rawn haw (Returned Migrants Workers) te chhawmdawlna tur “Livelihood Generation For Returned Migrants Workers Due to Pandemic Outbreak Covid-19 Phase-I” hnuaia North Eastern Council (NEC) in Mizoram sawrkar pawisa a pek cheng vaibelchhe 3 hmanga Department hrang hrangin hma an lakna thlirho a ni.

He thlirhona hunah hian Mizoram Youth Commission Secretary, Pu Donny Lalruatsanga, MCS chuan report pe in, Hmalakna a tha thawkhat hle tih a sawi a, Commerce & Industries (EDC Planning Dept) hnuaiah ah mi 550 in eizawnna tling kutthemthiamna training an nei tawh a, Labour Employment, Skill Development and Entrepreneurship (LESDE) hnuaiah mi 60 in training an nei tawh bawk a, MZU Incubation Center hnuaiah mi 30 in training nei tawhin Home Base Food Training pawh  Mizoram Food Processing Research and Training hnuaiah mi 60 in training an nei tawh bawk tih a sawi a. Tunah hian Tourist Department hnuaiah Tour Guide Training neih leh tur a ruahmanna a kal mek thu a sawi bawk.    

Vawiin thukhawm chuan Project Phase II atana hmalakna tur NEC in a rawn pek te thlir hovin, District tina Deputy Commissioner te kaihhruaina hnuaiah Skill Development Committee din ni se an ti a, he Committee kaltlang hian Skill Training chi hrang hrang - Cement Mistiri, Food Processing, Piggery Farming leh Cake Baking te chu kalpui ni se an ti bawk a ni.    

Vawiin thlirhona hunah hian hian Dr. C. Vanlalramsanga, Commissioner & Secretary, Planning Department bakah Department hrang hrang hotute an tel a ni.