India ram Prime Minister in 11th October,2014 a duan chhuah thar SAGY (Saansad Adarsh Gram Yojana chungchang ah meeting leh workshop SLEC ( State Level Empowered Committee ) in vawiin chawhma dar 11 khan Chief Secretary Conference Hall ah Pu Lalmalsawma IAS, Chief Secretary hovin an nei.

SAGY chungchang sawi hawnna neiin Chief Secretary Pu Lalmalsawma chuan faina leh hriselna leh hmasawnna hrang hrang India ram a thingtlang khua ten an lo neih theih nan Model Village (Adarsh Gram ) siam tur a nih thu sawiin bul tan dan tur atana thu pawimawh tak tak a sawi.

Pu V.Lalengmawia Dy.Secretary,Rural Development in Power Point Presentation hmanga SAGY kalphung a entir chu zirhona neih nghal a ni.SAGY hnuaia Department hrang hrang ten an hnathawh theih dan an sawi te thlir ho nghal a ni bawk. Meeting chuan SAGY Village Khawlailung leh Chhiahtlang a Serchhip DC in hma a lakna chu lawmawm an ti a. Tunah hian Mizoram chauh hi Baseline Survey hna zo tawh an niin MIS Application a uploading zawh fel a nih tawh thu Meeting ah hian sawi lan a ni.

MLA ten Model Village an thlan kim vek tawh thu pawh Meeting ah tarlan a ni a. Meeting ah hian Department hrang hrang mawhphurhna sawi hona leh mawhphurhna in pek a ni a. Sawrkar Department hrang hrang aiawh Secretary te an tel kim hle.