1536/2022-2023
Aizawl, the 10th August 2022 : Vawiin khan Art & Culture Director Pu Hmingthanzuala’n Chief Secretary Dr. Renu Sharma chu a Pisa ah Azadi Ka Amrit Mahotsav lawmna kal zela in tina zar tur Hnam Puanzar a hlan. Chief Secretary chuan India Hnam Puanzar chu chhungtin ten kan neih ve ngei ngei ngai hnam thil hlu a ni a, tun hun remchangah awlsam leh tlawm taka lei theihna hun a inhawng a ni, a ti a. Zalenna champha lo thleng tur lawmna atana in tina National Flag zar a nih ngei theih nan leh National Flag neih theihna hun remchangah mipuite chu Flag hi lo lei theuh tur leh mahni in theuha zar ngei turin mipuite a ngenin a sawm a ni.

Kan hriat angin kumin hian India ram pumah India Independence kum 75-na champhaphak chu kawng hrang hrangin lawm mek a ni a. Kumin hi India-in zalenna a hmuh champhaphak kum 75-na a ni a. A lawm nan sorkar laipui ruahmanna a ‘Har Ghar Tiranga’ hnuaiah August 13-15, 2022 chhung hian chhungkaw tinin National Flag tar theuh tur a. Hemi hun chhung atan hian zanah la thla lovin ni 13 atang hian zar tlang tur a ni a, ni 15 tlai ah lak thlak leh tur a ni.

Aizawl District-ah chuan heng atang te hian Rs. 20/- in a lei theih a ni :
1.FPS(Retailer)
2.StateLibraryatMINECO
3. Vanapa Hall
4. D.C, Aizawl Office
5. Directorate of Art & Culture
6. Mizoram State Archives
7. Mizoram State Museum
8. Aizawl Municipal Corporation, Thuampui
9. LEO PLUS, D-67,3rd Floor, Millennium Centre, Aizawl, - 9436350136
10. Peniel Electricals, Vaivakawn
11. District Library, Sikulpuikawn, Republic Road
12. Petronas Oil, Chanmari, Ramhlun Road, near Accounts & Treasuries Office - 9612216368
13. S.K Variety Store, Upper Kanan kawn - 9436948174
14. E.L Drug Store, Maubawk Kawn - 96126131274
15. Synod Book Room, Bawngkawn
16. Central YMA Office, Tuikhuahtlang
17. MUP Office near Raj Bhavan, Khatla
18. Sunrise Hardware Store, Ramhiun North, Industry peng - 9436140350
19. Ramhlunsanga's residence, Local Council President, Kulikawn

National Flag hi dawr, bazar, sorkar leh private building-ah te tar vek tura beisei leh ngen kan ni a. Mizoram chhunga district dang zawng zawng te pawh anmahni district huamchhunga DC tin te ruahmanna angin, hnam puanzar zawrhna hmun an siam te atanga lo lei theuh tur leh mahni in tina hnam puanzar zar theuh turin Mizoram Sawrkar chuan mipuite a ngen a ni.