3438/2022-2023
Aizawl Dated the 1st February, 2023: Vawiin khan Chief Secretary Dr. Renu Sharma chuan National Defence College Faculty, Ministry of Defence aiawh leh Course Members bakah ram paruk - France, Bangladesh, Oman, Japan, Uzbekistan, Bhutan atanga army lo kal te Secretariat Conference Hall, MINECO-ah a kawm.

Chief Secretary Dr. Renu Sharma chuan NDC atanga lo kal bakah ram paruk atanga lo kal te chungah lawmthu a sawi a. Mizoram chu state ralmuang leh hmun nuam tak a nih thu sawiin eco-tourism industry ah haichhuah tur tam tak a awm thu a sawi a, Mizoram tlawha sipai lokal mi 17 te chuan an cham chhungin Mizoram dinhmun hrang hrang zira, hun hlawk tak an hman nan duhsakna a hlan a ni.

He hunah hian Planning Secretary Pu Lalmalsawma Pachuau chuan General Overview of Mizoram tih presentation pein, Sustainable Development Goals hlawhtlin nana sector hrang hrang- Education, Health, Agriculture, Rural Development a sawrkar hmalakna te a tarlang a. Home Secretary and Commissioner Pu H. Lalengmawia chuan Law & Order Situation in Mizoram tih thupui hmangin presentation a pe bawk a ni.

NDC aiawhin Major General Hari B. Pillai chuan thu sawiin Mizoram sawrkarin hneh taka a lo dawnsawn avangin lawmthu a sawi a. India ram hmun hrang hrang an thlawh tur thu sawiin, field visit hi January atanga November a awh tur thu a sawi a. India ram venhimna kawnga (national security) policy siam leh India ram state hrang hrang dinhmun te a hmun a zir chiang tur an nih thu a sawi a. National Security and Stategic Studies an neih nghal thu a sawi bawk a ni.

He hunah hian sawihona leh zawhna leh chhanna hun hman a ni nghal bawk a ni.