Pu Vanhela Pachuau, IAS, Chief Secretary chuan vawiin khan Secretariat Conference Hall a neih State Level Conference on Census Operation 2011 ( 1st Phase: House Listing Operation & National Population Register) a hmanpui.
Pu Vanhela chuan Census lak hi hna hau tak tak a ni a, mihring awm zat ringawt chhiar a ni lova, an sakhuana te, an eizawnna te, an hnathawh te pawh chhiar vek a ni a, hei vang hian enumerators (chhiara chhinchhiahtu) te hian fimkhur taka hnathawk turin a chah. Dy.Commissioner te hi Principal Census Officer an nih angin census operator hlawhtlinna hi thui tak an kutah an innghat a, Census Operator chu felfai tak leh state dang zawng aia zo hma turin a fuih.
Pu H.P Sahu, IAS Director, Census Operation in meeting hi a kaihruai a, district hrang hrang atangin he meeting a tel tur hian an lo kal tha hle. Houselisting Operation leh National Population Register hi May 15 atanga June 30 thleng Mizoram ah neih a ni ang. Hemi tan District level training vawihnih neih ani anga, Aizawl,Champhai, Mamit, Kolasib leh Serchhip district ten March 23-25, 2010 chhung Aizawl ah neih anga, Lunglei, Saiha leh Lawngtlai Dsistrict ten April 7-9 chhung Lunglei ah neih a ni ang.
Pu H.P Sahu, IAS Director, Census Operation in meeting hi a kaihruai a, district hrang hrang atangin he meeting a tel tur hian an lo kal tha hle. Houselisting Operation leh National Population Register hi May 15 atanga June 30 thleng Mizoram ah neih a ni ang. Hemi tan District level training vawihnih neih ani anga, Aizawl,Champhai, Mamit, Kolasib leh Serchhip district ten March 23-25, 2010 chhung Aizawl ah neih anga, Lunglei, Saiha leh Lawngtlai Dsistrict ten April 7-9 chhung Lunglei ah neih a ni ang.
