No.2947/2021-2022
Aizawl, 11th November, 2021 : Mizoram Chief Secretary Dr Renu Sharma, IAS chuan vawiin chawhma khan Zoram Medical college (ZMC), Falkawn tlawhin an hnathawh dan leh hmalakna chi hrang hrangte a en bakah thawktute nen ZMC in harsatna a tawhte leh mamawh chi hrang hrangte an sawihova, ZMC project hrang hrang tihhlawhtlina tur leh infrastructure lam tih changtlunna bakah COVID-19 hri kaite enkawlna kawngah a tul anga theihtawp chhuaha hmalakpui a tum thu a sawi a ni.

ZMC Director Dr John Zohmingthanga leh a thawhpuiten Chief Secretary hi ZMC Administrative Block ah lo dawngsawngin inhmelhriattirna hun leh ZMC dinhmun tlangpui inhrilhhriatna hun hman a ni a, hemi hnu hian ZMC-a State Referral Hospital tlawhin Medical Superintendent leh a thawhpuite nen an inkawm a, damdawiin kalphungte leh hmalakna chi hrang hrangte inhrilhriatna hun hman a ni a, COVID-19 hri kaite enkawl dan leh COVID ward hrang hrang dinhmun leh kalphungte sawi a ni. Chief Secretary hian PM Cares hnuaia ZMC in an dawn Oxygen plant pahnih - 300PSA leh 1000PSA, ,Viral Research and Diagnostic Laboratory (RTPCR lab), ZMC Boys hostel leh Girls Hostel sak mekte a tlawh bawk a ni.

Chief Secretary hi H&FW Joint Secretary, SNO IDSP leh OSD to CS ten an tawiawm a ni