Vawiin khan Chief Secretary Pu Vanhela Pachuau chuan Health department hotu lu ber atanga SMO chin chung lam officer te chu Secretariat conference hall-ah kawmin an hnathawh leh mawhphurhna hlen chhuah kawnga tan lakna turte a sawipui.
He meeting ah hian department sum vawn leh hman chhuah kawnga fimkhurna tur te, damdawi supply tur thlan dan leh hmanraw lei chungchang te, hnathawktu lak dan leh department hnuaia hriselna programme kalpui dan chungchang te sawiho a ni a. Damdawi leh hmanraw lei chungchangah te, hnathawktu lak danah te pawh duhsak bik emaw, mi thenkhat hlawkna tur emaw aiin quality ngaih pawimawh hmasak ber a tul tih Chief Secretary chuan a sawi a. Heng thilah te hian dik tak leh langtlang taka Dan anga thil kalpui mai chu officer te mawhphurhna leh an himna tur a ni, a ti a. Department kalphung fel leh tha nei turin hun vawn dik leh inthununna ngaih pawimawh a tul thu a sawi bawk.
Kum 5 vel kalta chhunga Health Department mualphona, chanchinbu hrang hranga lo lang te tarlangin Chief Secretary chuan heng thil te hi thleng nawn tawh lo se a duh thu a sawi a. Hetiang mualphona te hian department hnathawh chhuanawm tak tak a hliah thin chu pawi a tih thu pawh sawiin Chief Secretary chuan mi thiltitheite nawrna avanga dan palzut lo turin officer te chu a chah bakah RTI dan hmanga mi tupawhin department chhunga thil hriat duh an neih chuan pek phalloh a awm tur a ni lo, a ti bawk.
Kum 5 vel kalta chhunga Health Department mualphona, chanchinbu hrang hranga lo lang te tarlangin Chief Secretary chuan heng thil te hi thleng nawn tawh lo se a duh thu a sawi a. Hetiang mualphona te hian department hnathawh chhuanawm tak tak a hliah thin chu pawi a tih thu pawh sawiin Chief Secretary chuan mi thiltitheite nawrna avanga dan palzut lo turin officer te chu a chah bakah RTI dan hmanga mi tupawhin department chhunga thil hriat duh an neih chuan pek phalloh a awm tur a ni lo, a ti bawk.
