No.6365/2020-2021

Vawiin chawhnu khan Health Minister Dr. R. Lalthangliana kaihhruaiin naupang leh nausen COVID-19 positive te enkawlna tur a bika siam dan tur ngaihtuah a thutkhawm a ni a. SAD Conference Hall-a thutkhawmnaah hian Social Welfare Minister Dr. K. Beichhua bakah Chief Secretary Pu Lalnunmawia Chuaungo, Health leh Social Welfare department hotute an tel a ni.

Sawrkar Laipuiin naupangte a ngaih pawimawh leh a ngaihsak thu meetingah hian tarlan a ni a. Mizorama COVID-19 positive hmuhchhuah tawh zingah naupang kum 18 hnuai lam 295 an awm tawh thu leh heng zingah hian kum 2 hnuai lam 4, kum 2 - 5 inkar 9 leh kum 14 hnuai lam 22 an tel thu tarlan a ni.

Vawiin thukhawm chuan naupang leh nausen te enkawlna tur bik Child-friendly COVID Care Centre din tha tih a ni a, naupang leh nausen positive te khawhar leh hrehawm taka an awm loh nan an in awmhlimna turte ngaihtuah a tul thu sawi niin, naupang leh nausen positive an lo awm palhin an chenpui nu leh pa bakah unaute thlengin ngaihven a tul thu sawi a ni a. A tul anga counselling pek dan turte pawh ruahman tha tih a ni.

Health department leh Social Welfare department official te chu a rang thei ang bera Child-friendly COVID Care Centre kalpui dan tur duang turin ruat an ni.