Vawiin khan D.C Conference Hall, Mamit-ah Mamit District Childline Advisory Board (CAB) chu an Chairman Pi Lalbiaksangi, District Bawrhsap hovin an thukhawm.

Vawiin thutkhawmah hian Mamit District a naupang kum 18 hnuailam harsatna neite tana chhanchhuahna hna Protection from Abuses ( PFA) kalpui ?dan tur hrang hrang te sawiho a ni a. Naupang chunga hleilenna leh ngaihsak hlawh lohna awm thei hrang hrangah te an chanvo leh an dikna haichhuah sak tura Childline Advisory Board (CAB) Mamit District chu din thar  niin naupangte dikna leh chanvo te haichhuah sak an nih ngei theihnana theihtawpa hmalak ni se committee chuan a ti bawk.

Childline Advisory Board, Mamit District te hmalakna tihchak  nan hian venhimna lam thawktu  Police te nen thawhhona tha tak nena naupang harsatna rang taka chhuichhuaha thil tisualtu ten an phutawk hremna an hmuh ngei theih nan arang lama hmalak thin ni se tih a ni a, hei bakah hian naupangte hamthatna tura hmalak a nih theihnan Department hrang hrangten an mahni bil theuha an programme ah te naupangte venhimna dan kan neihte uar zawka puanzar thin ni se tih a ni bawk.

Mamit District chhunga naupang kum 18 hnuailam  harsatna neite tan hian  Phone no 7085057230 ah hian engtik lai pawha biakpawh theih an ni a, India ram pumpui huap toll free no 1098 ah hian engtik lai pawha biak theih a ni bawk. 

Meeting-ah hian Childline Advisory Board member te an tel a ni.