Nithum chhung awh, Children Film Festival, 2018 Aizawl a neih chu vawiin ni 10.8.2018 chawhnu dar 2:00 khan khar a ni ta.

He film festival, Children Film Society of India, Ministry of Information & Broadcasting, Aizawl DC leh Department of Information & Public Relations tangkawpin an buatsaihah hian CFSI in naupang puala film tha an produced, film paruk tihchhuah a ni a. Mizo short film pahnih ‘RINNA’ leh ‘PIALRALAH’ tihte pawh tihchhuah a ni bawk.

Festival neih chhung hian nitin show vawithum neih thin a ni a, RMSA leh SSA lamin mumal taka ruahmanna siamin School naupangte entir thin an ni.

Ruahman lawk angin vawiin hian show vawithum nei lehin, chawhnu dar 2:00 khan Pu Lalawmpuia Khiangte, President, Mizoram Film Forum chuan lawmthu sawi pahin a khar ta a ni. Kharna hun tawite neihah hian Melody G.Fanai chuan kalkhawmte zaiin a awi bawk a ni.