No.2018/2020-2020

Aizawl, the 14th June 2020: Nimin khan Chite Veng Local Council leh tlawmngai pawl hrang hrang te ruahmannain an veng chhunga mi Pu Lalnghinglova In, sak that ngai chu sak a ni a. He hnatlangah hian a tul tul thawk ve in  Sports Minister Pu Robert Romawia Royte,  bialtu MLA ni bawk pawh a tel a. Tha a thawh bakah sumfai Rs 10,000/- a leh hmaikawr 100  thawh nghal bawk a ni. 

Vawiina hnatlannaah hian Bialtu MLA & Sports Minister Pu Robert Romawia Royte chuan tanpui ngaite tanpuia tha leh sum thawh duh mi thahnem ngai tam tak an la awm chu lawmawm a tih thu a sawi a. Midangte tanpui hi 'Zonunmawi' a bet tlat a ni a ti a. Tun tuma mi harsa insaknaah pawh hming sawi lan duhlo, mirethei khawngaihtu chuan ama mi mal sum tam tak  mirethei in sak nana a thawh phal chu ropui a tih thu a sawi a. Tun hun harsaah hian a mah ang thinlung pu mi mi tam zawk kan mamawh a ni a ti a. Chite Veng mipuiin tha an thawh huama in chhawng 2 tha taka an sa zo thei tur chu a ropui a tih thu a sawiin an entawn tlak tak zet a ni a ti. 

Pu F.Vanlalsawma, Chairman, Chite Veng Local Council pawhin hming sawi chhuah duhlo Aizawl Contractor pakhatin in sak nan sum fai Rs. 3,83,333/- a thawh bakah an Housing Loan bat Rs. 85,330/- a rulhsak chu ropui an tih thu a sawi a, Bialtu Minister Pu Robert Romawia Royte-in Rs. 10,000/- a thawh ve bakah a tawiawm tlat avangin Chite Veng mipui an lawm thu a sawi bawk. Vawiin hi he in sa tha tura  ni 15 an hnatlanna a ni tawh a ni.      

He in hi a dung feet 24 niin, a vang feet 18 a ni a, thingphel leh tile banga sak niin a chung rangva a ni a, chhawng hnih a ni a, a chhawng chungah Pu Lalnghilhlova te chhung an awm ang a, a hnuaiah hmeithai baihvai tak tho dah a ni dawn a ni.