Nimin khan Counter Insurgency and Jungle Warfare (CIJW) School, Vairengteah India Independence Day vawi 70-na lawmna neih a ni a. Maj. Gen. MS Ghura, VSM, Commandant, CIJW School chuan hnam puanzar a pawtpharh a ni.

CIJW school chuan he ni ah hian ram zalenna sual chhuak tura beitu, an theihna zawng zawng hlantute zahna chibai an buk a. India hnam puanzar an pawhpharh tak hian Mizoram mipuite zingah ram hmangaihna thinlung tuh zel se an duh thu an sawi. Ceremony neih zawh hian Weapons and Equipments, sipaiho silai leh hmanraw dangte pholanna hun neih nghal a ni a. Army School Vairengte a zirlai naupangte hnenah Medical Officer-in damdawi hmansual thatloh zia leh medical check-up neih fo tulna te a zirtir bawk. CIJW School, Vairengte in recruitment training an neih meka tel tur leh thalaiten Indian Army zawm duhna thinlung an neih beiseia hun hman a ni.