1660/2024-2025

Dated Lawngtlai, 20th August 2024: Citizen Care- Grievance Redressal Day (Khua leh tuite ngaihsak-Harsatna chin fel ni) hman tur pualin, Pu Cheemala Siva Gopal Reddy (IAS) Lawngtlai District bawrhsap chuan a hnuaia tarlan ang hian thuchhuah (Press Release) a siam.

Mizoram State chhunga mipuiten sawrkar hnathawhna (Public Services) tarlan bikah te hunbi tuk chhungin an mamawh an dil chhuah ngei theihna tur atan te leh chutiang hawi zawnga mipuite tana awlsamna leh hamthatna awmte pekchhuah a nih theihna atan Mizoram Right to Public Services Act, 2015-  hi Mizoram sawrkar chuan December ni 2, 2015 khan a hmang tan a ni.

Mizoram Right to Public Services Act, 2015 hnuaiah hian Section 4-na tlawhchhan in May ni 24, 2024 khan Mizoram Sawrkar hnuaia "service" an pek chhuah thin 'Za sawmkua Pahnih' (192) te chu khua leh tui (citizen) in "service" pe chhuaktu Designated Officer hnena ziaka dilna a thehluh atanga hunbi tiam chhung ngeia an dawn theihna turin Sawrkar in Notification lo chhuah tawh a ni.

Khua leh tui ten he Dan hnuaia "service" te dilna an thehluh in fel fai taka dilna Form awm apiangte ziah a, document thehluh ngai apiang theh luh tur a ni a. Sawrkar hnathawk "service"  pe chhuaktu "Designated Officer" a ruat chuan he Dan hnuaia "service" dah tawh te chu a diltu hnenah hunbi tiam chhungin a pe ngei tur a ni.

Deputy Commissioner, Lawngtlai huaihawt a CITIZEN CARE-GRIEVANCE REDRESSAL DAY/KHUA LEH TUITE NGAIHSAK-HARSTNA CHINFEL NI puala hun hman turah hian India khua leh tui (citizen) Lawngtlai District ami a tam thei ang ber lo te tur in kan in ngen a. Hemi ni vek hian hmun leh  hmuna "service" pekchhuah a harsatna te chinfel tum a ni a. Sawrkar atanga service dil mek la hmu lo te pawhin an harsatnate sutkian  a nih theh nan he hun hi rawn chhim tura ngen leh hriattir an ni a. Department hrang hrang aiawh- Superintendent of Police, Lawngtlai, Executive Engineer, PHE, Executive Engineer, P&E, Chief Medical Officer, Lawngtlai, Sub-Divisional Officer (Sadar) Lawngtlai, District Transport Officer, District Commissioner of State Tax, Lawngtlai leh BDO-Lawngtlai, Chawngte, Bungtlang South leh Sangau te, District Research Officer, Lawngtlai, District Education Officer, Lawngtlai, DIPRO, Lawngtlai, Lead Bank Manager-te chu DC Office ah dawhkan neiin an lo thu dawn a, Ni 23.08.2024 (Friday) chawhma dar 11 atangin zan dar 7 thleng dawr theih in an awm dawn a ni.