SCERT Aizawl buatsaihin dt. 12 -13 September, 2013 chhunga neih tur ‘WORKSHOP TO ANALYSE EXISTING TEXTBOOKS FROM CLASS -I TO VIII’ chu vawiin khan DIET Assembly Hall, Lunglei-ah Pu Lalnuntluanga Hnamte, DIET Principal in a hawng.

Hawnna inkhawm ah hian Pi Zothanmawii, Programme Director, SCERT (Deputy Director, Teachers Education, SCERT) Aizawl-in workshop kalhmang tur leh programme hman dan tur te a sawi a, Pu B. Lalkhumchhinga, SDEO Lungsen in fuihna thuchah tawi a sawi bawk. He workshop ah hian Lungleia Primary leh Middle School Mizo zirtirtuten tuna Mizo tawng zirlai bu hman mek chu that tawk leh tawk loh an sawiho a ni.

RTE Act hman a nih hnuah SCERT hi Academic Authority an nih angin he Programme hi Champhai leh Aizawl District-ah te buatsaih tawh a ni.