SSA Mission Lunglei bultumin vawiin khan Cleanliness Movement Day Electric Veng Middle School ah hman a ni.

Hemi puala inkhawm hi Pu Kawlkunga Colney Dy.DPC SSA Lungleiin a kaihruaia, Dist Project Co-ordinator Pu H.S Zosangliana chuan thutawi sawiin, hetiang ang hun hi kum dangah kan la hmang ngai lova kumina kan hmang thei hi a lawmawm hle a, hun pawimawh bik a ni a ti.Mizo te hi kawng dangah hma kan sawn chak dan ngaihtuahin faina kawngah hma kan sawn chaklo hle Pu Zosangliana chuan tiin, faina kawnga hmasawn tur chuan bultanna pawimawh ber chu Sikul hi a ni a, Zirtirtu ten naupang te faina chungchang kan zirtir ngun a pawimawh hle a ni a ti.

Pu Kawlkunga Colney in report-a a tarlan danin, kum 2015-2016 atana Sikul 453 tan Ekin tihfaina tur Sikul pakhat ah cheng 453 zel dawn a ni a, hei bakah hian faina lam hawi lemziak in tihsiakna atan naupang sangkhat tan naupang pakhat ah cheng 45 zel hisapin dawn a ni bawk a ti.

Vawiina he hun hmannaah hian Dist Level leh BRC level a Sikul fai te hnenah lawmman pawisa leh Ciatation hlan an ni a, Dist Level a Sikul fai lawmman pakhatna chu Gov't Zotlang P/s-I niin, pahnihna Go'vt Middle Sikul-II Rahsiveng, pathumna Gov't DM Middle Sikul Theiriat an ni a, Faina kawnga lem in ziak siaka titha pathum te hnenah lawmman pawisa leh Citation hlan an ni bawk a, pakhatna chu Lalremruata Cl-V, Rahsiveng M/S-II niin, pahnihna Ramdinliana Khiangte Cl-VII, Zohnuai Middle Sikul, pathumna Lalnunmawia Cl-VIII, Thaizawl Middle Sikul te an ni.