2143/2024-2025
Champhai, 20th September 2024: Mizoram Cleanliness Week 2024 chu ni 25th September, 2024 - 2nd October, 2024 chhung hian Champhai District ah pawh hman tur a ni a. Swachhata Hi Seva (SHS) 2024 hmalakna kal mek zulzui a Cleanliness Week, Faina Hapta hi hman tum a ni. He Faina beihpui in a tum ber chu kan ram, kan khua leh vengte a lo fai leh zual theih nan a hmalak a nih angin, he Faina chhung hian mipui a tam thei ang ber thawk chhuak turin kan sawm che u a ni.
A hnuai a mi ang hian Faina hapta - Cleanliness Week, 2024 chu hman tur ani e.
DAY-I. Ni 25.9.2024 (Nilaini)
Cleaning of Market/Commercial Areas - Hemi ni hian Bazar hmun leh sumdawnna hmunte tih fai tur a ni.
Hetiang hian ruahmanna siam a ni :-
1) Commerce & Industries Department-in Champhai Bazar-pui Ieh Bethel Bazar-a thute hnatlang ko in, an lo vil zui ang.
2) UD&PA Department-in CHANEM chhung leh pawn thianfai turin mawh a phur ang.
3) Village Council tin ten mahni huamchhunga Bazar hmun tifai turin hnatlang an ko ang a, an lo vil zui ang.
4) Champhai Dawrkai Association-in Dawr hmun leh sumdawnna hmunte then fai a nih theihna turin hma lo la in an lo vil zui ang.
5) Mimal Bazar-na hmun siam ten an Bazar siam luahtute hnatlang an ko ang a, an lo vil zui bawk ang.
DAY-II. Ni 26.9.2024 (Ningani)
Cleaning of Hospitals/Health Care Centres - Hemi ni hian Hospital, Health Clinics, Sub-Centres chhung leh hmunhma te tihfai tur a ni.
Chief Medical Officer leh District Medical Superintendent ten sawrkar enkawl bikah ruahmanna lo siam a, lo vil zui tura ngen leh hriattir an ni.
Private Hospital/Clinic neituten an mahni hmun theuhah hnatlang kovin hma an la ang.
DAY-III. Ni 27.9.2024 (Zirtawpni)
Cleaning of Educational Institutions - Hemi ni hian Zirna In zawng zawng leh an hmunhma te tihfai tur a ni.
Champhai District chhunga Sawrkar School leh Private school zawng zawng ten faina natlang an neih theuhna turin District Education Officer chu hma la tur a ngen leh hriattir a ni.
Govt. Champhai College-ah Principal in ruahmanna a siam ang. Nursing School Ieh a bul vel thenfai hnatlang nei turin Principal GNM in ruahmanna a siam bawk ang.
DAY-IV. Ni 28.9.2024 (Inrinni)
Cleaning of Residential Area and Public Toilets etc - Hemi ni hian Champhai District chhunga cheng zawng zawng ten mahni In leh a vel tihfai vek tur a ni.
Village Council tin ten an mahni huam chhunga In leh a vel tifai turin an huamchhunga cheng mipuite lo hriattir tur leh lo vil zui theuh tura ngen an ni.
Chubakah an huamchhunga Public Toilet awm te natlanga lo tifai vek tur a ngen leh hriattir an ni bawk.
DAY-V. Ni 30.9.2024 (Thawhtanni)
No Tolerance Day for Littering/Spitting etc - Champhai District chhungah he mi ni a Vantlang hmun tih bawlhlawh emaw chil chhak emaw khap tlat a ni. A tul angin vil zui a ni anga, a ti lui man te chu Dan ang a hrem nghal zel an ni ang.
DAY-VI. Ni 1.10.2024 (Thawhlehni)
No Tolerance Day for Single Use Plastics & Observance of Wellbeing and Safety of Sanitation Workers. - Champhai District chhungah he mi ni ah hianSingle Use Plastic hman khap tlat a ni. A tul angin check ani anga, a hmang/zuar lui man te chu Dan ang a hrem an ni ang.
Wellbeing and Safety of Sanitation Workers hi UD&PA Department in an buaipui ang.
DAY-VII. Ni 2.10.2024 (Nilaini)
Celebration of Swachhata Diwas/Foundation laying of Aspirational Toilet & Closing of Mizoram Cleanliness Week 2024/Prizes
