No.1302/2021-2022

COVID-19 hrileng mek laka mipui an him theih nan leh a tul apianga hman turin mimal, pawl leh kohhran atanga tanpuina Chief Minister's Relief Fund for COVID-19 ah dawn thin a ni a. Vawiin khan Mizoram Ayush Doctors’ Association te chuan Chief Minister's Relief Fund for Covid-19 ah hian Rs. 1,20,000/- (Nuai khat sing hnih) an chhunglut a ni.

Heti hian COVID-19 dona atana sum la awm mek chu a vaiin Rs. 1,77,05,208 a ni a. Nikum atanga lut tawh belhkhawm hi Rs. 27,01,99,678 niin, hman tawhna zawng zawng hi a vaiin Rs. 25,24,94,470 a ni.

Mizoram Ayush Doctors’ Association ah hian member 220 vel awmin, COVID-19 hrileng laka mipui himna turin frontline ah nasa takin hna an thawk hlawm a. Directorate of AYUSH, Mizoram chuan hri do tura taksa tichak thei tur damdawi hrang hrang Ministry of AYUSH in ruahmanna a siam angin CCC leh 4C ah te a thlawnin a sem bawk a ni.