Vawiin ah khan Cooperation Minister Pu Lalrinmawia Ralte chuan Registrar’s Cooperative Societies Meeting Hall- Babu Tlang, Zarkawt ah Integrated Cooperative Development Project ( lCDP) Kick off Programme hmanpui in State Level Cooperative Societies 9 te’n tanpuina sum an hmuhna tur Sanctioned Order a sem nghal.
CO-Operation Minister Pu Lalrinmawia Ralte chuan Mizoram Sawrkar in sum harsatna rawn awmchho zel tur lavanga buaina nasa zawk a tawh loh nan awmze nei taka a sum neih chhun te a hman a ngai dawn a ni a ti a. North East State ten Special category annihna anga duhsakna an dawn thin te a tawp tan a, sawrkar mai ni lo state mipui te pawh in sum hman leh peipunna kawngah kan thanharh a ngai dawn a ni a ti a. Sem sem dam dam system hmanga Department hrang hrang te pawisa pek leh ringawt hian kan harsatna atang hian min khaichhuah dawn loh avangin sawrkar pawhin ngaihtuahna thar nen hma a la mek a ni a ti. Co-Operation hnuaia society hrang hrang te chu ei leh bar bakah sum dehchhuah kawnga nasa zawka mipui zirtir tur leh Finance Department tana tih rem si lo, sum peipun leh loan rulh that theih dan chungchang thlenga mipui zirtir turin mawhphurhna pawimawh tak an nei a ni a ti a. Loan tangkaina leh loan rulh that theih dan chungchang phei chu Mizoram mipui ten kan hriatchian a ngai a ni a ti.
ICDP atan hian National Cooperative Development Council, New Delhi chuan kum 4 chhunga Cooperative Societies techawiknnnaatanhian Mizoram Sawrkarah Rs 4494.452 Lakhs a rawn pe a. He ICDP Scheme hnuaiah hian Mizoram a Cooperative Societies 1400 a inziaklut member 50000 chuangin tanpuina sum hi an dawngthei dawn a ni. He tanpuina sum atang hian -
1. MAHFED Ltd. - Rs. 15,00,000/-, 2. MCAB Ltd. - Rs 10,00,000/-, 3. MIZOFED Ltd. -Rs. 80,00,000/-, 4. MAHCO Ltd. - Rs. 41,00,000/-, 5. PIGFED Ltd. - Rs 15,00,000/, 6. MASCOS Ltd. - Rs. 2,00,000/-, 7. WOMENFED Ltd. - Rs 15,00,000/-, 8. MSCU Ltd. - Rs. 5,00,000/- leh 9. ZOFISFED Ltd. in Rs 8,00,000/- an dawng ang.
ICDP Kickoff programme hi Pi Lalfakzuali, JRCS in a kaihruai a, he hunah hian Pu Jack L.Darkim, Secretary ,Co-Operation Department leh Societies hotute pawh in thusawina hun an hmang a ni.
